لمريخاااااااااااااااااااااااااااااااااااااااااااااااااااااااااب وبس

تعريف بالنادي:

يعتبر نادي المريخ الرياضي من أعرق واشهر الأندية الرياضية بالسودان على الإطلاق حيث يرجع تأريخ تأسيس النادي إلى الرابع عشر من شهر نوفمبر عام 1927م وقد كان في بداياته يحمل اسم (المسالمة) الذي تأسس عام 1910م أحد أحياء مدينة امدرمان العريقة قبل أن يتحول اسمه إلي المريخ تيمنا بالكوكب السماوي ويصبح نادياً قومياً يمثل السواد الأعظم من جماهير الشعب السوداني التي تدين له بالحب والوفاء.

المريخ والبطولات المحلية:

حقق المريخ بطولة أندية الدرجة الأولى 17 مرة منذ انطلاقتها في عام 1952م

حقق المريخ بطولة الدوري دون هزيمة أو تعادل موسم 1971-1972م وفوزه بها مرة أخرى دون هزيمة وتعادل واحد 1973م وهو ما وصفته مجلة الاتحاد الدولي لكرة القدم (فيفا نيوز) بأنه إعجاز لا يتكرر إلا نادرا.

فاز ببطولة كأس السودان 18 مرة (عشرة مرات في نسخته القديمة التي انطلت في منتصف الخمسينات وثمانية مرات في نسخته الجديدة التي انطلقت في العام 1990م.

فاز ببطولة دوري السودان ثمانية مرات.

فاز ببطولة الدوري الممتاز 4 مرات التي انطلقت في عام 1996م.

فاز بمعظم كؤوس المناسبات منها على سبيل المثال: كأس افتتاح استاد الخرطوم وكأس افتتاح استاد الموردة وكأس افتتاح اضاءة استاد الخرطوم، كأس الامبراطور هيلاسي لاسي، كأس الملك فيصل، كأس الرئيس ديوري هاماني ، كأس الرئيس شارماركي، كأس الرئيس كنيث كاوندا، كأس الرئيس عبد الناصر، كأس الدوق هرر، كأس الرئيس بوكاسا، كأس الصداقة الكورية ، كأس الاستفتاء، كأس الرئيس العراقي، كأس المجهود الحربي، بطولة الصداقة الدولية (المريخ والهلال – اريتريا – إثيوبيا).

المريخ والبطولات الخارجية:

فاز بكأس شرق ووسط أفريقيا (سيكافا) 1986م

فاز بكأس الكؤوس الأفريقية والتي حملت اسم المناضل الأفريقي نيلسون مانديلا 1989م.

فاز ببطولة شرق ووسط أفريقيا مرة أخرى 1994م.

فاز بكأس دبي الذهبي بعد تغلبه على الزمالك المصري عام 1987م.

فاز بكأس بطولة رمضان الدولية بالشارقة 1999م.

نال فضية بطولة الكونفدرالية 2007م.

المريخ وعلاقاته الخارجية:

المريخ ذو مبادئ وقيم على هديها يبني علاقاته ويوطد صلاته واكتسب شهرة واسعة من خلال الاهتمام بتطوير علاقاته الخارجية وله روابط مشجعين منتشرة في معظم الدول العربية تضم كوكبة من أبناء النادي ظلوا يلعبون دوراً مقدراً في دعم علاقات الأخوة والصداقة بين المريخ والأندية الخارجية.

المريخ والمناشط الثقافية:

يعتبر نادي المريخ أول نادي بالسودان يصدر صحيفة يومية (رياضية ثقافية) منذ عام 1964م، وينظم نادي المريخ برامج ثقافية ومسابقات سنوية وبرامج ترفيهية على مسرح النادي وبرامج خاصة بشهر رمضان المعظم من كل عام وتقدم فيه المحاضرات الدينية وحلقات التلاوة والتجويد وتحفيظ القران بمسجد النادي.

المريخ ولقب الزعيم:

لقب المريخ بالزعيم من جانب محبيه وذلك للأسباب الآتية:-

· تأسس النادي في عام 1910 باسم المسالمة ثم تحول إلى المريخ في 14 نوفمبر 1927م (أي قبل شقيقة الهلال الذي تأسس عام 1930م).

· فاز في أول مباراة ديربي في العام 1934م بهدفين مقابل هدف للهلال (أحرز هدفي المريخ لاعبه الزين الشفيع) ومازال متفوق في مباريات الدريبي على نده التقليدي الهلال حتى تاريخ هذا اليوم.

· فاز بأول بطولة (كأس البلدية) 1934م بعد أن تغلب على بري بهدف (عوض ابوزيد) في المباراة الختامية.

· أول نادي سوداني ينشئ نادي واستاد وذلك عام 1962م.

· أول نادي سوداني يصدر صحيفة رياضية يومية وذلك عام 1964م.

· فاز على نده التقليدي الهلال ثمانية مرات على التوالي (ديربي ام درمان) وهذا الإنجاز لم يتكرر حتى الآن.

· أول نادي يفوز ببطولة الدوري دون هزيمة أو تعادل 1971-1972م وهذا الإنجاز لم يتكرر حتى الآن.

· أول نادي سوداني يحقق بطولات إقليمية وقارية (سيكافا عامي 1986و1994م وكأس أفريقيا للكؤوس 1989م).

· فاز بأول مباراة ديربي تقام خارج الخرطوم (جوبا).

· حصد معظم كؤوس المناسبات التاريخية.

· أكثر فريق حصد للبطولات المحلية (كأس السودان – بطولة الدوري المحلي).

· أول نادي سوداني يدخل المناشط الأخرى بغير كرة القدم (السلة – الطائرة –الملاكمة).

· أول نادي سوداني ينشئ موقع على الانترنت .

· نال فضية البطولة الكونفدرالية 2007 .

معليش اصلا الهلال ما عندو مشاركات ولا مساهمات عشان يتكلم عنها ربنا يعينكم يااااااااااااااااااااااااااااااااااااا رب... بدون زعل

الله ..أكبر ..وأنا قلت الوجاهة ...والرقي ..ده ..ما بكون إلا ..من زول من أنصار ..قريق المريخ شكراً ..ليك أخي ..مرتضي ..علي هذا المرور اللطيف ..وأكيد إبنتنا ريان حمزة .ستجد ..في مشاركتك هذه ..بغيتها ..أشكرك ..ومزيد من المشاركات ..ما قلنا ليكم ..ده فريق صفوة ..يا مصعب ..شوف الكلام ده ..كيف ..منظوم كعقد من اللؤلؤ ..

عدد الرسائل : 441 تاريخ التسجيل : 21/06/2008

غلي راي المثل البقول
القرد في عين امه غزالل
ده نادي سجمان jocolor

مصعب بدر الدين الجلال كتب:: غلي راي المثل البقول
القرد في عين امه غزالل
ده نادي سجمان

أنا المريخ أنا التاريخ
أنا البعرف اجيب الكاس
وانا العرفوني كل الناس
انا السواى ما حداث
وكلو كلامي بى مقياس
انا المريخ
انا القدمت اعمالي
وكاس الدوري في بالي
بيجبوا اشرف اجيالي
ولو لعبت اشبالي
وحتى منير وودالياس
انا المريخ
انا الدائما بشد الحيل
وانا الماشى في طريق عديل
وانا الفى هجومى زي السيل
وللشبكات بسوي الويل
بهدف بالقدم والراس
انا المريخ
انا الدائماً لهيب سارى
شعاري الأحمر الناري
بدمي افدى لشعاري
وانا البعرف اجيب تاري
ولازم اقطع الانفاس
انا المريخ
انا العاتي انا الصاروخ
انا الدايماً سنان مجلوخ
انا الفى وسطي مافي شروخ
وانا البلعب معاي يدوخ
تصيبو الدوشة والوسواس
انا المريخ
انا الفي وسطي ابراهام
وسكسك فارساً مقدام
انا الدايماً خطر قدام
واسالوا عنى الأيام
ببهدل اعظم الحراس
انا المريخ
انا القوة انا الركاز
وانا الدائماً بجيب اعجاز
وانا الى خطتي نفاذ
وانا الدائماً عظيم ممتاز
وعندي شعور شديد واحساس
انا المريخ
انا المركب انا المجداف
وانا الغير الله قط ما خاف
انا العندي الفنون اصناف
وانا التوجيه وانا الاشراف
بهدف ضربة الاجراس
انا المريخ
انا الجامعة وانا المعهد
بربى اولادي تربية جد
عبادة الواحد الاوحد
وحب نبيه الآمجد
وسورة البقرة والأخلاص
انا المريخ
افتكر انو كده كفايه يا مصعب ..ولو محتاج فى كميات بس انت اشر وما عندك مشكله..والله منور المنتدى بالمشاركات الفعاله ..ويا ريت تكون على هذا الحماس ...والله انا احيى فيك هذا الروح الجميله ده فى مشاركاتك بس مشكلتك هلالبى

نجم السعد
انواره هلت في البلد
مريخينا عالى ومعتمد
وقالوا الهلال في الخط رقد
والحظ همد
وبقت حكايته (حمد لبد)
بالفرحة ما طال الامد
ايام قليلة بلا عدد
يوم الخميس جاه النكد
لم ينتظر يوم الاحد

جمهوره جقلب ما صمد
ومرق من الاستاد شرد
قالوا الثقاة اهل البلد
شافوه فى حلة حمد

مريخنا دائما معتمد
تاج النصر
بطل البلد
ما جاب حكم بيهو انسند
وابطاله في الميدان سند
ما بخلى تاره الى الابد
ويفوز على الخصم الالد
بالقوة بالفن والجلد

جمهوره يهتف كالرعد
ثابت معاه وما ابتعد
اما الهلال قام او قعد
مريخينا بالاصرار صعد
فوق الجميع
والكل بعد
مريخينا بالقمة انفرد
ساب الحسار لى غيره
للافراح ورد
واصحابنا شوف حيلن برد
وكان الدرس قاسى
ما اب زرد

من بدري ناديكم هجد
فتشنا واحد ما اتوجد
ومريخينا طول تاريخه جد
وراكم الفن الاجد

شارع فرحكم اتوصد
خسران حسابكم واترصد
وفريقنا حقق ما قصد
في اخر الموسم حصد
مريخنا زينه دفاعه سد
وهجومه اشبال الاسد
يا زيكو تسلم يا ولد
قونك مؤكد معتمد
ما فيه سرقه ولمس يد

عدد الرسائل : 441 تاريخ التسجيل : 21/06/2008

مشكور يا مرتضي علي ترحيبك بي
لكن انا احب الون الاحمر بطبعي
ما احب المريخ ابدا
وما حتقدرو تزحزحوني لا انت ولا الفاتح
احب الهلال لغايت ما اموت

شكراً ..الأخ ..مرتضي ..علي هذه الابيات الرصينة ..التي تدل ...حب عميق للوهج الاحمر والذهب الأصفر ..وفيت وكفيت ..وما في كلام تاني ..بتقال ...ويا مصعب أنت الجابك ..تتضهب ..في صفحت مريخيات ...دي شنو ..يا أخي ما تفسد علينا ...راحتنا ..وراحت بالنا ..بعدين ..لمن تموت ..حا تكون هلاالابي ..يا أخي كده حا تموت بغيظك ..لان المريخ دايما بغيظك ..

عدد الرسائل : 441 تاريخ التسجيل : 21/06/2008

لاتعليق لان الموضوع فطير وليس خير
tongue

يعني شو المريخ

مصعب بدر الدين الجلال كتب:: لاتعليق لان الموضوع فطير وليس خير
يعني شو المريخ

والله يا مصعب اخيرليك تنسى برنامج المريخ لانو انت والله ما قدر الكلام ده بالمناسبه من الاحسن انتو تعملو ليكم صفحه وتتكلمو زى ما دايرين مع انو انتو ما عندكم شى تتكلمى عنو لكن احسن اتونسو واحكو عن هيثم مصطفى بتاعكم ده ...البرنس زى ما انتو بتقولو عليك الله يا مصعب فى موقع فى النت عن البرنس كان معاهو لقاء فى الشارقه اذا فهمت حاجه من كلمو ورينى عشان انا افهم ...ومالو ما تعلق ولا ما لاقى شى تقولو لانو عارف فى مريخاب ما برضو اى شى عن المريخ

عدد الرسائل : 441 تاريخ التسجيل : 21/06/2008

والله يا مرتضي الحمد لله اول صفحه اتعملت في المنتدي الرياضي كانت صفحة الهلالاب
وانا قدر المريخ وقدر العمل نادي المريخ من اصغر لاعب حتي رئس مجلس الاداره
جيبهم كلهم وانا امنطقهم ليك
طبعا مابتفهم حاجه من كلام البرنس لانك مريخابي ده سبب كافي جدا
وانا قلت لا تعليق لاني ما بعلق ولا بتكلم في المواضيع الفارق

[right]اولا تحياتى لاخوانى عشاق الاحمر الوهاج فكم طال شوقى لهذه الزاوية متكأ للروح ،،،،، وحنين السطور لكلماتى لا يشابهها الا هدير الجمهور عند مرجيحة العجب ولا عجب ........
سلامااااااااااااااااااااااااااااااااات يا حلاوة ومشتاقين والليلة ماشين القلعة الحمراء لتشييع مثوى الناد الازرق وحمله للجهة الاخرى ودفنه فى استاده المسمى بالمقبرة والعياذ بالله ,,,,,,,,,,, ياااااااااااااااااااااااااااااخ ذول بيسمى ناديهو مقبرة ده ح يكون معقول سليم وبيفهم زى خلق الله المريخاب ... طبعا ما محتاجه رد 0
والحاجة التانية مصعب قال ( طبعا مابتفهم حاجه من كلام البرنس لانك مريخابي ده سبب كافي جدا) وفى سؤال حتى نجاوب على كلام مصعب ..... هو البرنس بيعرف يتكلم ؟؟؟؟؟؟؟؟؟
وفى المقام ده بتزكر نكتة شهيرة جدا بتقول الاتى : قالو انو السيد / الصادق المهدى مشى الجزيرة ابا وخطب فى الانصار يوم الجمعه وكانت خطبته حديث المدينة ،،، وفى انصارى مسكين وطيب زى مصعب كده ،،، فقام فى الطريق وهو راجع التقى بواحد اخر فقام قال ليه : والله الليلة السيد الامام قال جنس كلام مباااااااااااااااااااااااااااااااااااااااااااااااااااالغة .... فرد الاخر : اصلو قال شنو ؟؟ فاجاب الانصارى - شبيه مصعب - : انت غبيان ياذول هو نحن بنفهم كلام السيد كمان !!!!!!!!!
وطبعا الانصارى ده بيكون من ناس المقبرة ما من ناس القلعة الحمراء .... عرفت كيف ؟؟؟؟ لانو بكل بساطة ناس القلعة الحمراء فى غاية الترتيب والاهتمام باللغة وترتيب الاحداث ،، والا لانهارت القلعة ،،، ونموزجا كتابة السيد / مرتضى الشيخ وسرده بكل دقة لهذا التأريخ المريخى الفاتن فى الروعة ،،،، بينما ناس المقبرة اساسا هم اصحاب القبور وعدم الدراية ،،، ونموزجا مصعب واهتماماته الغير آخزه فى البريق ،،، بالرغم من انو صغير السن ،،،، غايتو بكرة بيوعى ،،،،، ونحن الليلة الضرب ركب فى القلعة الحمراء والضبااااااااااااااااااااااااااااااااااااااااااااااااااااح الليلة بيضبح ،، وعندها تشرق شموسنا واشواقنا وهديرنا ليلا وتزدان الشوارع باللونين الاحمر والاصفر وياتى الصدى بزغرودة عزة وسط الليل0[/right]

مصعب ده ..عازرينو ..صغير سن بكرة ..بيكبر وينضج ..وبعرف مصلحته ..وين ..إتخيل ..حسام الحسين ..وعاصم عبدالله ..طلعوا مطاميس كمان ..ديل يقولوا عليهم شنوا ..طبعا الزول البضل علي علم ده أخطر من البضل ساكت ..ربنا يهديهم ..