لغز عاوز زول جينيوس يحله

لدينا ١٠ براميل كل برميل يحتوي على ١٠ جلل كل جلة وزنها ١٠ جرام ما عدا برميل واحد فقط وزن كل جلة من جلله العشر ٩ جرام
ولدينا ميزان يمكن استخدامه لمرة واحدة فقط لا غير
المطلوب استخدام الميزان مرة واحدة فقط لمعرفة البرميل الذي يحوي الجلل ذات الاوزان ٩ جرام

يلا يا اخوانا عاوز زول جينيوس يحلها

دي إلا يحلها مهاتير محمد

عدد الرسائل : 441 تاريخ التسجيل : 21/06/2008

يا اخوانا عاصم واشواق ديل عاوزين يطلعونا بلده ولا شنو
دي شنو دي الاسئله دي ما تبحبحوها شويا كده حرااااااااام
ولا رايك شنو يا عم الفاتح

دي اجابه دي يامحمداحمد خزلتني والله
الحاله انا قلت لعاصم مافي حد حيحلها غير محمداحمد وناهد والفاتح Sad

وعاصم قال بيتحدي كل اعضاء المنتدي حتي انا ابى يوريني ليهو
بالرغم من اني برضوا قلت ليهوا في ناس ازكياء جدا خلف الكواليس
امثال رندا وهيثم وميساء وبوسي واشواق
ومصعب
Sad

مصعب بدر الدين الجلال كتب:: يا اخوانا عاصم واشواق ديل عاوزين يطلعونا بلده ولا شنو
دي شنو دي الاسئله دي ما تبحبحوها شويا كده حرااااااااام
ولا رايك شنو يا عم الفاتح

ابدا يا مصعب الحكاية ما صعبة للدرجة دي
بس المسالة عاوزا ليها قلم وورقة وشوية تفكير
وزي ما قالت ميسون بتحدى جميع اعضاء المنتدى بما فيهم السيد المشرف العام والسيد قوقل بن دوت بن كوم بتاعه ده
وكمان صحبك المريخابي اقصد الصهيوني اللسانو طويييييييل عرفته ولا اقول اسمه

والله يا ميسون خجلتيني
وحمستيني عشان أحاول
كدي أنحاول

طيب يا عاصم أنا حأحل ليك نص اللغز
طيب الموضوع كالآتي:
ناخد من كل برميل جلة
حيبقى عندنا 10 جلل
نخت كل خمسة جلل في كفة ميزان
الكفة الحتكون أخف وتطلع لي فوق
دي الحيكون فيها الجلة الوزنها ناقص
ده نص اللغز اتحل

النص التاني
طيب يبقى كيف أحدد الجلة الوزنها 9 جرام؟
دي يا إما بالنظر
ويا إما زي ما قلت ليك
نجيب مهاتير مجمد

محمد أحمد الشيخ الجلال كتب:: طيب يا عاصم أنا حأحل ليك نص اللغز
طيب الموضوع كالآتي:
ناخد من كل برميل جلة
حيبقى عندنا 10 جلل
نخت كل خمسة جلل في كفة ميزان
الكفة الحتكون أخف وتطلع لي فوق
دي الحيكون فيها الجلة الوزنها ناقص
ده نص اللغز اتحل

النص التاني
طيب يبقى كيف أحدد الجلة الوزنها 9 جرام؟
دي يا إما بالنظر
ويا إما زي ما قلت ليك
نجيب مهاتير مجمد

أبدا أبدا يا عمنا الحل غلط النص الأول وكذلك النص التاني
أولا الميزان بكفة واحدة يعني بتخت الوزن بتاعك وبيديك قراية الوزن زي ميزان محلات الذهب
ثانيا من الصعب بمكان تقدير الواحد جرام بالنظر أو بالإحساس لأن وزنه خفيف جدا جدا جدا
لكن محاولتك لا بأس بها وفيها إجتهاد معقول إلى حدٍ ما يا عم

طيب إنت كده ريحتني
أنا كنت داير أقول ليك الميزان بي كفتين وللا كفة واحدة
ما دام كده أشيل من كل برميل جلة وأختها في الميزان
وأقعد أحسب إنو كل جلة حتديني 10 جرام وزن زيادة لمن أختها
يعني ختيت 5 جلل حتديني 50 جرام
6 جلل حتديني 60 جرام
لمن تديني 59 جرام معناها دي الجلة المطلوبة
والبرميل الشلتها منو ده هو المطلوب
أها رايك شنو

محمد أحمد الشيخ الجلال كتب:: طيب إنت كده ريحتني
أنا كنت داير أقول ليك الميزان بي كفتين وللا كفة واحدة
ما دام كده أشيل من كل برميل جلة وأختها في الميزان
وأقعد أحسب إنو كل جلة حتديني 10 جرام وزن زيادة لمن أختها
يعني ختيت 5 جلل حتديني 50 جرام
6 جلل حتديني 60 جرام
لمن تديني 59 جرام معناها دي الجلة المطلوبة
والبرميل الشلتها منو ده هو المطلوب
أها رايك شنو

لا يا عمنا كده إنت بتكون إستخدمت الميزان أكثر من مرة

خلاص ما مشكلة
أجيب لي ميزان تاني أستخمو 10 مرات
وللا أجيب مهاتير محمد

محمد أحمد الشيخ الجلال كتب:: خلاص ما مشكلة
أجيب لي ميزان تاني أستخمو 10 مرات
وللا أجيب مهاتير محمد

هههههههههههههههههههههههايييييييييييييييييييييييييي
وين قوقل بن دوت بن كوم؟؟؟؟

عدد الرسائل : 441 تاريخ التسجيل : 21/06/2008

يا عاصم ويا عم محمد احمد انا عندي الحل
اشيل من كل برميل جله واعمل ليها علامه معينه تدل علي البرميل بتاعها
واجي اخت الجلل علي الميزان واحده واحده ما اشي اي جله انا وضعتها
وبيكده حاقدر اعرف الجله صاحبة الوزن 9
والبرميل بتاعها

مصعب بدر الدين الجلال كتب:: يا عاصم ويا عم محمد احمد انا عندي الحل
اشيل من كل برميل جله واعمل ليها علامه معينه تدل علي البرميل بتاعها
واجي اخت الجلل علي الميزان واحده واحده ما اشي اي جله انا وضعتها
وبيكده حاقدر اعرف الجله صاحبة الوزن 9
والبرميل بتاعها

إجابة خاطئة يا مصعب وهي قريبة من إجابة عمنا محمدأحمد
فبطريقتك دي بتكون إستخدمت الميزان أكثر من مرة
ولكن محاولة جيدة وقريبة من الحل الصحيح

يا مصعب ويييييييييييييييييين باقي أعضاء المنتدى
بما فيهم المهندسين وناس التجارة والإقتصاد والحاسوب والرياضيات والفلسفة والقانون والاداب والطب والمختبرات الطبية
والسادة الصهاينة؟؟؟؟؟
ولا ما عاوزين يشغلو مخهم معانا
قول ليهم الحكاية ساااااااااااااهلة ما عاوزة هندسة

أشيل جلة من كل برميل
أجمعهم كلهم وأختهم في الميزان
حيجيني الوزن 99 جرام
كده أكون استخدمت الميزان مرة واحدة
بعد داك أنا حر في شيل الجلل
أشيلها واحدة واحدة
وبي كده حتظهر لي الجلة أم 9 جرام
لو ده بقى ما الحل الصحيح
أنا ما حاشارك في الموضوع ده تاني

محمد أحمد الشيخ الجلال كتب:: لو ده بقى ما الحل الصحيح
أنا ما حاشارك في الموضوع ده تاني

طبعا ما صح
لأنك لمن تشيل جلة كذا مرة كده الميزان حايديدك كذا قراية
وبالتالي حا تكون إستخدمت الميزان أكثر من مرة
يا عمنا إلا تقول الروووووووووووووووب
إنت وناس المنتدى الزايغين ديل

شفت ليك جعلي بقول الروب؟
وجلالابي كمان؟

عدد الرسائل : 441 تاريخ التسجيل : 21/06/2008

محمد أحمد الشيخ الجلال كتب:: شفت ليك جعلي بقول الروب؟
وجلالابي كمان؟

هيييييييييييييييع اهيدل الجلالاب الصح
لازم نعافر ونعافر لفايت ما نقي الاجابه الصح
اوعدك يا عاصم حالقي الاجابه الصح

محمد أحمد الشيخ الجلال كتب:: شفت ليك جعلي بقول الروب؟
وجلالابي كمان؟

أفو أفو والله عجبتني يا عم
كلامك بسطني شديد
والله إنت جعلي حر وجلالابي أصيل وهلالابي مؤصل
لو حليتها ولو ماحليتها
لكن يا عم مالهم الصهاينة مندسين؟؟؟
Twisted Evil

أهليين ..يا عاصم ..لغزك ده ..سهل ..جداً ...جداً ..وأوعدك ..بعد كل محاولات الناس ..انا بحلو ..ليك ...بعدين أنا الايام ..ديل ..مابتاع الغاز وغلوتيات ..أنا منتشي ..وفرحان وطبل بس ...

عاصم عبدالله الشيخ الجلال كتب:

محمد أحمد الشيخ الجلال كتب:: خلاص ما مشكلة
أجيب لي ميزان تاني أستخمو 10 مرات
وللا أجيب مهاتير محمد

هههههههههههههههههههههههايييييييييييييييييييييييييي
وين قوقل بن دوت بن كوم؟؟؟؟

قوقل دوت كوم ما نفع
بعد ده إلا نشوف قوقل إيرث!!!

محمد الفاتح الشيخ الجلال كتب:: أهليين ..يا عاصم ..لغزك ده ..سهل ..جداً ...جداً ..وأوعدك ..بعد كل محاولات الناس ..انا بحلو ..ليك ...بعدين أنا الايام ..ديل ..مابتاع الغاز وغلوتيات ..أنا منتشي ..وفرحان وطبل بس ...

نحن ما عاوزين كلام عاوزين فعل
فما أسهل الكلام وما أسهل تطويل اللسان
أيوه أحسن تفرح أسي وتكملو
عشان ما حا تفرح تاني قريب بإذن الله
مع أبطالنا الغدرتو بيهم في الدقائق الأخيرة
بعدين يا صهاينة أثبتو لأعضاء المنتدى إنكم عندكم رأس تفكروا بيه
ما لسان بس ولسان طويييييييييل

أولاً : حلوة غدرنا بيهم دي ..نحن دقسناهم ...الكدايس ديل وأديناهم بمبة في الزمن القاتل ..رصاصة رحمة ..
بعدين لغزك ده صحيح لغز هلالاب ..ياأخي الموضوع كلو إنو لو وضعنا جلة من جلل البرميل أبو عشرة في البرميل أبو تسعة بيبقي كامل الوزن ذي إخوانه ..وأوعدك يوم الخميس بديك الحل كامل ..طمبل بس

السلام عليكم يا عاصم ومبروك لى محمد أخوك
دي غلوطيه ساهله جدا
نرقم البراميل من ا وحتى 10
نشيل من البرميل رقم واحد جله واحده ومن البرميل رقم اثنين جلتين وهكذا حتى البرميل رقم 10 نشيل منه عشره جلل
يكون عدد الجلل 55 جله
نوزن ال55 جله المفروض وزنهم 550 جرام لو كل الجلل وزنها 10 جرام
ولكن الوزن سيكون اقل
اذا كان وزن الجلل ال55 هو 549 هذا يعنى انها ناقصة جرام واحد اي جلة واحدة وزنها 9 جرام أي من البرميل رقم 1
اذا كان وزن الجلل ال55 هو 548 يعنى انها ناقصة جرامين أى هنالك جلتين وزن كل منهما 9 جرام أى من البرميل رقم 2
وهكذا ...
اذا كان وزن الجلل 540 يعنى انها ناقصة 10 جرام أى 10 جلل وزن كل منها 9جرام أي من البرميل رقم 10

ماشاء الله عليك يا الحاج رهيييييييييييييييب
حليتها بمتنهي البساطه
عاصم ابا يوريني الحل كلوكلو

الحاج ابوالقاسم ابوتله كتب:: السلام عليكم يا عاصم ومبروك لى محمد أخوك
دي غلوطيه ساهله جدا
نرقم البراميل من ا وحتى 10
نشيل من البرميل رقم واحد جله واحده ومن البرميل رقم اثنين جلتين وهكذا حتى البرميل رقم 10 نشيل منه عشره جلل
يكون عدد الجلل 55 جله
نوزن ال55 جله المفروض وزنهم 550 جرام لو كل الجلل وزنها 10 جرام
ولكن الوزن سيكون اقل
اذا كان وزن الجلل ال55 هو 549 هذا يعنى انها ناقصة جرام واحد اي جلة واحدة وزنها 9 جرام أي من البرميل رقم 1
اذا كان وزن الجلل ال55 هو 548 يعنى انها ناقصة جرامين أى هنالك جلتين وزن كل منهما 9 جرام أى من البرميل رقم 2
وهكذا ...
اذا كان وزن الجلل 540 يعنى انها ناقصة 10 جرام أى 10 جلل وزن كل منها 9جرام أي من البرميل رقم 10

والله يا الحاج ما شاء الله عليك
وده ما غريب عليك لأنك مهندس
لكن لو عاصم قاصد الحل ده فعلا
يبقى غشانا
لأنو ده ما لغز ولا غللوتية
دي مسألة بتاعة جبر عديييل كده
وما جبر القريناهو نحنا الأدبيين
دي مسألة بتاعة بحتة!!!
على العموم في انتظار التوضيح من عاصم

ماشاء الله ياالحاج
كالعهد بك جينيص كما طلب الابن عاصم
انا ما قايلك في المنتدي عشان كده قلت لي اسويه يظهر لاكن كما يقال في الليلة الظلماء يفتقد البدر واهو انت ظهرت وحليت اللغز الغلب الجماعه
ده الكلام وتسلم ياابو رابعه

الله عليك يا ابو الحجاج ده الكلام
مش زي جماعة كده يقولو ليك بوعدك احلها يوم الخميس ولا حاوريك الحل بعد ما اشوف محاولات الناس
وعمنا الفاتح ده بس لسان لكن برضو اخير من الناس اللبدو كلو كلو ولا حس ولا خبر
اما يا عمنا محمداحمد رياضيات شنو وجبر شنو وادبي شنو المسالة بسيطة وفيها شوية منطق
اما ياعمنا الحسين بارك الله فيك على هذه الطلات الجميلة والتي عودتنا عليها وفعلا زي ما قلت في الليلة الظلماء يفتقد البدر وابو الحجاج مشاءالله عليه جينيوس بدون كلام
بس عندي طلب يا ابو الحجاج يا باش مهندس عندي واحدة تانية حاذكرها فقط عاوزك تدي الجماعة فرصة وبعد كده تفضل لينا بحلك عشان نشوف امكن يكون في ناس تانين من راء الكواليس اوكي يا باشمهندس

أولاً: التحية للاخ الحاج وهذه التحية ليست لانو حل اللغز ولكن لإطلالته البهية علي المنتدي والذي نتمني أن لا تنقطع ...وبعدين أنا عارف لغز ذي ده ما بكون غلب الحاج وبكون حلاه وهو متكئ علي الاريكة ويشرب كوب شاي ..حفظه الله..بعدين ياعاصم قلنا ليك لحدي الخميس ..واللغز الغلب ميسون ومحمد احمد عمك واشواق ده لغز ما ساهل ..المهم الجايت اكتر ..بعدين الحاج لو حلاه ذي الحليته أنا لانه مريخابي ذي ...

عاصم عبدالله الشيخ الجلال كتب:: الله عليك يا ابو الحجاج ده الكلام
مش زي جماعة كده يقولو ليك بوعدك احلها يوم الخميس ولا حاوريك الحل بعد ما اشوف محاولات الناس
وعمنا الفاتح ده بس لسان لكن برضو اخير من الناس اللبدو كلو كلو ولا حس ولا خبر
اما يا عمنا محمداحمد رياضيات شنو وجبر شنو وادبي شنو المسالة بسيطة وفيها شوية منطق
اما ياعمنا الحسين بارك الله فيك على هذه الطلات الجميلة والتي عودتنا عليها وفعلا زي ما قلت في الليلة الظلماء يفتقد البدر وابو الحجاج مشاءالله عليه جينيوس بدون كلام
بس عندي طلب يا ابو الحجاج يا باش مهندس عندي واحدة تانية حاذكرها فقط عاوزك تدي الجماعة فرصة وبعد كده تفضل لينا بحلك عشان نشوف امكن يكون في ناس تانين من راء الكواليس اوكي يا باشمهندس

والله يا عاصم ده ما لغز ده
دي مسألة بتاعة جبر عديييل كده
ولو لغزك الجاي زي ده
أكتب فيهو للمهندسين فقط
عشان يحلوهو ليك ناس الحاج
ومحمد كباشي وطلال ومرتضى
أما نحنا الأدبيين ديل
خلي لينا ناس عمي طويل وما بلحق الكعكول

الحل ده معقد يابوالحجاج
كدي شوف الحل ده ختيت اللغز ده في الفيس
وفي واحد حلاهو على النحو التالي
وأعتقد ده أصح وهو ما يتوافق مع مقدرات الكل:

اخت خمسة براميل في كفة والخمسة التانيات في الكفة التانية في كفة حا تكون اخف ابدأ انزل من اي كفة برميل وبي كدا اكون عرفت البرميل الذي يحتوي الجلل ذات الاوذان 9 جرام