الألقاب داخل عائلة آل الجلال

السلام عليكم ورحمة الله وبركاته

الملاحظ في عائلتنا بل وفي المجتمع السوداني ككل شيوع ظاهرة الألقاب، فنجد أن اللقب قد يطغى على الإسم، ولست أقصد بكلامي هذا الألقاب التي تطلق على سبيل المزاح والدعابة، ولكن أقصد الألقاب المضاهية للاسم الحقيقي والذي لانتشاره وكثرة استعماله يتلاشى أو يكاد الاسم الحقيقي للشخص.

والأمثلة كثيرة ونذكر منها على سبيل المثال أخونا علي أحمد الجلال، ابن آمنة عمتي ووالد مالك ومدثر المعانا هنا في المنتدى، والأخ علي أشهر من أن يعرف وهو علم في رأسه نار، فنجد أن الأخ علي اسمه الحقيقي ليس علي وإنما عبد الله، ولذلك لما دخل مالك باسم مالك عبد الله، أحد الأعضاء هنا سألني وقال لي إنت مالك علي مالو كاتب عبد الله، أنا هسي افتكرتو واحد تاني، فقلت ليهو لأنو علي ود آمنة عمتي اسمو الحقيقي عبد الله وعلي ده لقب، فتعجب الأخ السائل وكانت معلومة جديدة بالنسبة له.

وعلى سبيل المثال كذلك أخونا وابن عمنا أحمد الحسين الجلال مشهور بي بحر، وهذا اللقب أطلق عليه لجوده وكرمه الشديد - حفظه الله تعالى - واسم بحر مشهور يكاد يوازي اسم أحمد الحسين.

وإذا مسكنا جانب النساء، فنجد أقرب مثال في بيتنا أختي حنان الشيخ الجلال اسمها الحقيقي في شهادة الميلاد: آمنة، سماها أبي على والدته عليهم رحمة الله أجمعين، ولكن الاسم الذي سار وأصبح اسم شهرة لها هو حنان، وهكذا.

فنود في هذا الموضوع التوثيق لألقاب وأسماء الشهرة داخل العائلة، رجالا ونساء، الأحياء منهم والأموات عليهم رحمة الله، وذلك من خلال الآتي، ذكر الاسم كاملا إلى الجلال ثم ذكر اسم الشهرة واي تفاصيل أخرى للتعريف كاسم الأم وأسماء الأولاد، وكذلك نريد سبب التلقيب أو قصة التلقيب باللقب إن وجدت.

* طبعا هذا الموضوع مكانه منتدى التاريخ وشجرة العائلة ولكن سأتركه هنا مفتوحا لفترة من أجل أن يطلع عليه الأعضاء ومن ثم سأنقله إلى هناك.

الاخ الغالي اين الام محمد احمد
تطرقت لموضوع جيد جدا جدا وهام جزاك الله خيرا
اعود بك للوراء اي الكبار مثلا حبوبه والدة عبدالوهاب ابوتله وقاسم كل الناس لاتعرف لها اسم الا حبوبه واسمها الحقيقي ستنه وهي مسما علي حبوبة الجلالاب كلهم ستنه بت حسن وطبعا اغلب النساء تبقي ليهم نسيبه وفي الماضي المراه لاتاتي باسم نسبتها ونسيبها وزوجها فاطلقوا عليها لقب حبوبه
تانيا حاجه الكبرتي والدة فضل الباري الله يرحمه والعوض وعثمان والسر محمد صالح الكل يعرفها باسم الكبرتي حتي الان وهي تزوجت صغيره جدا جدا وكان اماتها يقولوا ليها كبرتي كبرتي وسار عليها الاسم الي ان توفاها الله واسمها فاطمه عثمان محمد صالح اخر بناته سماها الكبرتي لاكن في الشهاده فاطمه وناس الاماب بدلعوها باسم فيفي هي الا ن في الجامعه وانا وابوها بنقول ليها الكبرتي
التومه خالتي والدة محمد والشيخ (رحمه الله) والعوض واحمد عماري (رحمه الله) اسمها ام الحسن ومن صغرها اطلق عليها لقب التومه حتي توفيت وهي تومة الحسين خالي الحسين خالي سمي بنته ام الحسن بالرغم من انها ماتومه عشان يشهر اسم تومته ام الحسن\
حواء النبي رحمها الله والدة عبدالعذيذ وعبدالله وابرهيم يوسف اسمها فاطمه وابراهيم سماها وفي الشهاده فاطمه ولقبها حواء
محمد الحسن الحسين برضه سماها حواء النبي وفي الشهاده اسلام ولغبها حواء (زوجة عماد عبدالعذيذ)
انا يطلق علي لقب التوم عشان اتفرز من اسم الحسين اخوي يعني في المراسلات يكتبوا التوم لانه الحسين والحسين لافررق في الكتابه
والامثله كتيره وانشاء الله كل ما تزكرنا اسم كتبناه والبسمع اسم يقولوا نزكره بالمناسبه

جزاك الله خير يا ابن الأم
والله الموضوع دسم جدا
ونتمنى المزيد من المشاركات

أشكرك ...علي المرور ..يا ود أبوي ...وأنا كنت ..متأكد ..إنو ..ما في زول بيقدر ..يتحفنا..بهذه المعلومات ..غيرك ..ونتمني المزيد..والمزيد..ودمت في حفظ الله ..

طالما الامر فيه تشجيع يااحبه اواصل
فاطمه بت الحسين خالي اي فاطمه الحسين محمداحمداحمدالجلال لقبها والدها بام الكرام وسار عليها اللقب حتي وفاتها واشتهرت به في كل منطقة سقادي الان في واحده من اهلنا النعيماب سماها ابوها ام الكرام علي اختنا فاطمه رحمها الله لاكن للان صاحبت هذا اللقب هي الغاليه ام هيثم وحسام وحماده حاجه فاطمه الحسين
ايضا سعاد الحسين محمداحمداحمد الجلال لغبها حبيبه وهذا اطلقه عاليها والدها ايضا من طفولتها وكان اخوالها واعمامها ومازال جيلنا الحالي يطلق عليها حبيبه(ام ياسر وعبدالله عبدلرحمن محمد منصور)
امجد عبدالله الجعلي لقبه يحي ومامون عبدالله الجعلي لقبه محمد
والي لقاء اخر انشاء الله

العم العزيز محمدأحمد شكراً كثيراً لطرحك هذا الموضوع
والذي بالفعل يستحق الوقفة عليه
لدي بعض الأسماء بعضهم أعضاء لهذا المنتدى وبعضهم لم يلتحقوا بعد
1/ أمجد عبدالله الجعلي ولقبه السائد بالأسرة يحى عبدالله الجعلي
2/ مأمون عبدالله الجعلي ولقبه السائد محمد
3/ أشواق محمدأحمد عثمان ودالعبد ولقبها السائد صفاء
4/ مصعب بدرالدين محمدأحمد الجلال ولقبه السائد محمدالأمين
5/ هيام أبوالقاسم أبوتلة ولقبها السائد حبوبة على والدة والدها أبوالقاسم، ومن كلام عمنا العزيز الحسين أحمد الجلال إتضح إنه حبوبتنا حبوبة (عليها رحمة الله) هذا ليس إسمها الحقيقي، شكراً لعمنا العزيز الحسين على معلوماته الثرة التي عودنا عليها دائماً ، فهو ماشاء الله تبارك الله مرجع حفظه الله وبارك الله فيه
6/ لبنى عبدالعزيز يوسف محمدأحمد الجلال ولقبها السائد (بين بعض الأهل وليس كلهم) نوال
7/ فاطمة جعفر الحاج عوض ولقبها السائد تسنيم
8/ محمد عبدالله يوسف محمدأحمد الجلال ولقبه السائد معتز
9/ آمنة عبدالله يوسف الجلال ولقبها السائد سوسن
10/ حنان فتح الرحمن محمدعثمان إبنة سوسن (أعلاه) ولقبها السائد أمنية
11/ منى محمدالأمين الفكي ولقبها السائد بت المنى

بالتأكيد هذا ليس الكل فكلما تزعفني الذاكرة سأسرد لكم ما تذكرت
وأدعو الأعضاء الكرام أن يذكروا ما يعرفون
ولكم الشكر أجزله

يا سيد عاصم ..إنت نسيت ..عبد الفتاح خالك إظن ..بيطلقوا عليه ..إسم الشيخ ..وأنا بسمع أمي ربنا يديها الصحة والعافية دايماً لمن تذكر حبوبتك طيبة الذكر الله يرحمها حاجة عاشة كانت بتقول عائشة أم الشيخ ..فهل الشيخ ده عبد الفتاح خالك ..أرجو الافادة..
بعدين شايف مصعب بيطلقوا عليه غير مصعب ومحمد الأمين لفظ حنون...بالله في هلالابي عندو حنية ..معليش دي تخريمة برة الموضوع ...وبعدين أظن المرحوم محمد ودآمنة عمتي لهما الرحمة الإثنين لقبه الأعسر ...بعدين أنا ..يا عاصم والدي رحمه والمرحوم محمد الحسين والشهير بود ابوالقاسم ..سموني علي محمد الفاتح الشيخ قريب الله ...وقد كان والدي رحمه ..يريد ..تسميتي علي الشيخ قريب الله رحمه الله ...لكن محمد الحسين رحمه الله أشار عليه بأسم محمد الفاتح ...وهذا أسم في الشهادة والاوراق الرسمية ..ولكن ..الأسم السائد ..وهو جزء من أسمي ..الفاتح ...ومن الطرائف إنو زوجتي ليس من العائلة ..وعندما تناديني بأسمي ..بتبلم فترة ..ثم أجيب لأني ما متعود علي أسم محمد ده ..

1-الكجك
2- كرفاس
3-كالود
4-موسيلينى

ديل كان عرفتوهم ليكم جائزه

هيثم الحسين احمد الجلال كتب:: 1-الكجك
2- كرفاس
3-كالود
4-موسيلينى

ديل كان عرفتوهم ليكم جائزه

عم هيثم سلامات

هم حسب الترتيب
1-الشفيع فضل البارى
2-عبد الحفيظ الحسن محمد عثمان
3-عصام احمد الحسين الجلال
4-حاتم احمد عثمان ضوءالبيت ود بلاله عمتى

طارق محمد احمد الجلال كتب:

هيثم الحسين احمد الجلال كتب:: 1-الكجك
2- كرفاس
3-كالود
4-موسيلينى

ديل كان عرفتوهم ليكم جائزه

عم هيثم سلامات

هم حسب الترتيب
1-الشفيع فضل البارى
2-عبد الحفيظ الحسن محمد عثمان
3-عصام احمد الحسين الجلال
4-حاتم احمد عثمان ضوءالبيت ود بلاله عمتى

ههههههههههههههههههههههههه
معلومااااااااات وطرائف

عدد الرسائل : 134 تاريخ التسجيل : 16/06/2008

لقب ( الدود ) ياأخوانا اللقب ده كان عرفتوه ليكم جائزة كبيرة جداجدا
أنا عرفته قريب

أنا عارفاه يا حسن
وإنت يا حسن يا شليق عرفتو من وين

Question

عدد الرسائل : 237 تاريخ التسجيل : 28/06/2008

الدود لقب منو وروووووووووونا ياحسن وميسون lol!

السلام عليكم وكل عام وانتم بخير
بمناسبة رمضان اتحفنى اليوم بزياره كريمه الاخوين عباس عبدالرحمن الجلال ابن عمى و نصرالدين محمد احمد الجلال اخى .
بلاله محمدالجلال عمتى رحمها الله اسمها الحقيقى امنه .
الحاجه محمد احمد الجلال عمتى شقيقة الشيخ الجلال عمى و ابوي الحسين اسمها فاطمه .
اما الدود كما الابن حسن هو فى اسم لابن ستنا محمد احمد الجلال ( القصيره )
والدود فى اللغه العربيه من اسما الاسد ( قالوا الدود قرقر حبس الدرب )

حسب مصدرنا عباس

.

المقصود هنا لقب لشخص عزيز علينا
وليس إسم لشخص يا خالو

عدد الرسائل : 134 تاريخ التسجيل : 16/06/2008

الخال العزيز طارق كل سنة وانت طيب وربنا يحقق الأماني بالله كيف صحتك وأحوالك والله ياخالو ليك وحشه وين انت ومالك مختفي؟
أما الدود فهو لقب لشخص عزيز جدا علينا أصلو ماممكن تتصوروا حأوريك
عليك الله ياميسون عرفتيه انتي كيف مع إنه اللقب مااشتهر بيه شديد أنا عرفته عن طريق الصدفه من واحد إسمه (د.أيمن الجلاد)طبيب أسنان إنتي أسألي الدود عنه
يارندا والله حتعرفيه قريييييييييييييييييييييييييييييييييييييييييييييييييييب وأصلو ماحتكوني متخيلاه وحتكون مفاجأة.

يا حسن جهز الجائزة ......... يا مستر .. .... .... ... وده لقب منو ؟؟؟؟

عدد الرسائل : 237 تاريخ التسجيل : 28/06/2008

والله يا حسوني انا عرفتو من ما قريت الاسم بس ده كان لقب قديم عشان كده استغربتا ودكتور ايمن ده في
االسعوديه صاح

عليكم الله ورونا لقب منو شوقتونا لمعرفتو

ياسمؤال الجماعه ديل ماسكين في الموضوع ده من سنه 2008 ماتشتغل بيهم انا جني وجن الشحتفه دي ههههههههههه اها بمالمناسبه ياخالو طارق خالو نصر الدين كان زمان عندو شهادة ميلاد بأسم جلال الدين وبعدين هو لغاها واختار شهادة الميلاد البأسم نصر الدين والله بختو يارببببببببببت لو عملو لي زيو شهادتين ميلاد واختار واحده فيهم هههههههههه بعدين ياعمنا مصعب ملقب بحنون لانو احن منو في العيله مافي ويستحق اللقب وبجداره

صباح الخير يا اهلنا ياحلوين
طبعا ياناهد خالو نصر ما كان عندو شهادة بإسم جلال الدين كانت بإسم جمال الدين ولا شنو ياخالو نصر ويا خالو طارق ؟
ويا حسن الدود ده جاء واحد صحبه لجيرانا في ماليزيا وعرفنا بالصدفه انه درس معه بالجامعه وكلمنا باللقب
طبعاً ده لمن عرف انو نهاية اسمنا الجلال سألنا عن عزيزنا الغالي الدود

نرجو من الأخ معتصم الشيخ وكذلك الأخ الحسين الجلال إثراء هذا الموضوع بالألقاب وخاصة ألقاب الذين لم نعاصرهم من العائلة الكريمة

الاحباء ال الجلال لقد تطرقضتم الي موضوع الاقاب والاسماء غير المعروفه لدي الكثبربن من الناس واريد ان افجر لكم اليوم قنبلــــــــــه الألقاب داخل عائلة آل الجلال Icon_cheers

وهي ان والدي الشيخ محمد احمد الجلال (رحمه الله) يعرفه كل الناس باسم الشيخ الا ان والدي اسمه عبد القادر ولهذا الاسم قصه فقد مكث والدي (رحمه الله)في بطن امه اثنا عشر شهر وبعد ان مضت التسعه شهور ودخل في الشهر العاشر انزعجت والدته امنه أحمد الحسين العمرابي الشهير بــ ابو شره فكانت تاخذ البلح ويمشي وراها الصبيه الي بيان الشيخ عبد القادر الجيلاني وهو يقع غرب سقادي في منطقة مقابر المعتوقيه وكانت توزع البلح علي الاطفال هناك وقد نزرت اذا انحلت بالسلامه وانجبت ولد تسميه الشيخ عبد القادر الجيلاني واذا انجبت بنت تسميها بنت الشيخ عبد القادر وعندما انجبت والدي بعد اثنا عشر شهر انجبت والدي وسمته الشيخ عبد القادر الجيلاني وصار الناس في صباه يسمونه الشيخ عبد القادر وبمرور الزمن اختفي اسم عبد القادر لان الناس دائما يبحثون عن الاسم الخفبف ليتداولونه فصاروا ينادونه بالشيخ فقط فسار عليه اسم الشيخ وانتم علي موعد معي في معلومه اخري عن اسم (محمد رأس)واسم(ودابو القاسم)ولكم تحيادي وودي ودمتم لي عزا وسندا وفخرا يا ال الجلال..

معتصم خالى كل سنه وانت طيب والله يحقق الامانى . والله العظيم المعلومه بتاعت اسم ابوى الشيخ دى اول مره اسمع بيها اظن امى خديجه ذاتا ماعارفاها.

سبحان الله ...والله أنا أول مرة اعرف هذه المعلومة عن والدي رحمة الله وأنا أسمه الشيخ عبد القادر الجيلاني ....فقد كنت أسمع بعض ذوي القربي من أهلنا وناس سوق بحري وبخاصة الفور ..كندما كنا نذهب للسوق وبلذات الفور كانوا يقولون لنا أولاد الفكي الشيخ ...أو فكي الشيخ وإذا كان الاخ عزالدين يذكر انا ..عبد الله بتاع الاكياس وكان لديه طبيلة جوار ..دكاكين الوالد كان يندينا دائما اولاد فكي وكذلك الرجل الذي كان يعمل في العتالة وتنظيف المحاصيل ..ولا اذكر اسمه ..ولكن كانوا ينادنونه بكاكا ---وكاكا هذا ليس اللاعب البرازيلي طبعا ...هههههااا.....وهذه معلومة جديدة والله ...ومن احدث المعلومات في الأسماء فقد زراني مشكورا في منزلي المتواضع الاخ عبد المجيد الحسن الجلال وحرمه السيدة سلوي يوسف قادمين من لندن عبر استنبول ...وفي اثنا الونسة طلبت منه بريديه الالكتروني فبدأ بريده بكلمة معتصم ...فقال لي ما تستغرب يا خال ..انا اسمي معتصم ..؟؟؟؟؟ ولضيق الوقت لم استطيع الاسترسال معه في التفاصيل ...فهذا شخص اسمه الحقيقي في شهادة الميلاد ..واسمه الحركي عبد المجيد ....وحتي الملتقي ..

الله عليك يامعتصم
معلومه قنبله انا فلت ليك ياحبيبي ما في زول بوثق غيرك يلا المزيد المزيد
عبدالمجيد الحسن اسمنه في الشهاده معتصم ياالفاتح اخبار بت الباشاب وبنات الجلال شنوتحياتنا ليهم

بخير والله وبسلموا عليكم كتيييييييييير ....بس مدسين من البرد الشديد ده ...

مشكــــــــــــــور كتيـــــــــــــــــر يا عمنا معتصم على المعلومات الجديدة عن أبوي الشيخ عليه ألف رحمة ونور
سبحان الله مكث 12 شهر في بطن أمه فعلاً سبحان الله
فعلاً يا عمنا الفاتح فقد كان أبوي محمدالحسن عليه رحمة الله ينادي أبوي الشيخ عليه رحمة الله بالفكي الشيخ
ربنا يرحمهم جميعاً ويتغمدهم بواسع رحمته

وحمداً لله على سلامة الأولاد يا عمنا الفاتح، أرجو أن تبلغهم أحر السلام وعاطر التحايا
بس إن شاءالله ما يكون عندكم جليد زي ناس بريطانيا

وين يا سيد عاصم إن شاء الله بخير والله مشتاقين ...مافي جليد لسة لكن الجو بارد شديد ودرجات الحرارة 1و2 عادي واحيانا صفر وقليل من الجليد....علي كل حال ...انتو كيف ..والاخبار ..ومبروك عليكم كاسات السودان وكل كاسات علب الصلصة واللبن ...

والله يا عمنا الفاتح ليكم وحشة شدييييييدة وربنا يسهل عليكم الشتاء ويمر بسلام إن شاءالله وأهم شئ الدفايات

******

الله يبارك فيك يا عمنا يا حاقد ويا عمنا المغلــــــــوب (والمغلــــــوب شيَّال الطوب)،
طيب أكان شايفنها كاسات علب صلصة ولبن بتلعبوا فيها لي شنو؟؟؟؟
ما تمشو تشوفوا ناس مانشستر يونايتد وآرسنال وليفربول وأى سي ميلان وبرشلونة أو حتى فينربخشة التركي وتلعبوا معاهم
إمكن تلقوا ليكم شُـــرَّاب دهب ولا فضة ولا حتى جزمة برونزية إن شاءالله الفردة الشمال

ههههههههههههههههههههههههههههههههههههههههههههاييييييييي