المنتدى مفتوح الآن

السلام عليكم ورحمة الله وبركاته

يا آل الجلال

المنتدى مفتوح الآن لكل من يود المشاركة

عدد الرسائل : 441 تاريخ التسجيل : 21/06/2008

السلام عليكم
انا عارف ان انت زعلان يا عم محمد احمد
وانا زعلان علي ما فرحان
زعلان لاننا خزلناك واتماطلنا واتكاسلنا في تحقيق الهدف من المنتدي زاتسببنا في قفل المنتدي
وفرحان لان المنتي فتح من جديد واتمني من كل قلبي ان الناس ترجع من تاني ونتجمع من تاني
علشان نكون اكبر واقوي عائله علي مستوي السودان كلو
وعلي فكره انا كل ما اخش انت كنت بحاول افتح المنتدي والليه كنت متاكد ان المنتدي حيفتح
لاني كنت بتكلم مع عم الفاتح امبارح واتفقت معاه ان يتصل بعم محمد احمد ويطلب منو يفتح المنتدي من تاني
وفي الختام اتمني ان نال توفيقا من الله ونجتمع من تاني

مرحبا بعودتك يا مصعب
ونتمنى عودة جميع الرفاق
وما زعلان ولا حاجة
نتمنى من الجميع الاستمرار

السلام عليكم ورحمة الله

علي الجميع طبعا شكلو المنتدي رجع ونرجو من الناس يلتقو فيه والله اشتقنا لناس كتار ناس عاصم وميسون ومالك علي وناس اسيا قاسم والحاج الاخت صفاء وناس السعودية ولندن وناس السودان وكل الاهل ونتمني الناس يلتفو حول المنتدي ..ونتقابل في ساعة خير ..ونسيت ناس امريكا حسام وعياله وكل الناس ديل ومعظمهم جو اجازة في السودان ورجعوا ...

وين يا مصعب يا خاين ....تقول لي نتقابل في المنتدي وتشرني كده ....انا منتظرك لي كم يوم يا فردة ...

عدد الرسائل : 441 تاريخ التسجيل : 21/06/2008

اهلين عم الفاتح
والله مشتاقين اسف عشان شريتك لكن والله كنت مشغول شديد الايام الفاتت
علي العموم يا حبيبي عودا حميدا ونورت المنتدي

وين يافردة حمدلله علي السلامة ....وانت لسه عزابي بتقول مشغول طيب لمن تعرس حا تقول الروووب ...والله صحيح الناس مشغولة لكن من خلال المنتدي الناس بتعرف اخبار بعض ...واظهر يا اخي والداير يظهر يلبس احمر ومعاهو اصفر ...

[size=18][size=12]

وعليكم السلام ورحمة الله تعالي وبركاته
اخيرا فتح منتدانا العزيز وسنلتقي مره اخري
الف شكر لعمنا العزيز محمد احمد الذي سعي لفتحه وايضا الشكر موصول لعمنا الفاتح
حيث اسهم هو الاخر في ذلك ومرحبا باهلنا الطيبين الجلالب واقول ليهم اخيرا سنلتقي
ونعرف اخبار بعض اول بأول بأذن الله

[/size][/size]

السلاااااااااااام عليكم ورحمة الله تعالى وبركاته
والله سعدتُ كثيراً عندما سمعتُ بعودة منتدانا الحبيب
وهو سانحة طيبة لعودة التلاقي والتحابب والتوادد
جزاك الله خيراً عمنا محمدأحمد
وألف تحية ليك يا عمنا الفاتح
وألف تحية لأخونا مصعب
أتمنى عودة الجميع رغم الإنشغال ورغم المشاغل
فهذا المنتدى فرصة جيدة لمعرفة أخبار بعضنا البعض
وأسأل الله العلي القدير أن يجمع شملنا

أرحب ترحيب حاااار ...وبصفتي ...مسئول عن ...التواصل وصلة الأرحام ..بعودة ..الثنائي ...الخطيير ..عاصم ..وميسون ناس ماليزيا الخضراء....وأقول ليهم عودا ..حميداً ...وكما قالت ميسون سنعرف الاخبار اول باول واكيد دي مهمة لناس في الغربة ..وكما قال عاصم الناس مشغولة ولكن قليل من الوقت ..للتواصل مفيد ...ومعرفة الاخبار ...وبالله كيف محاسن ..لسة بتقول عاوزة سوسو؟؟

نحن كذلك نرحب بك يا عمنا العزيز واللذيذ
وإن شاءالله دائماً نكون في تواصل وإتصال
محاسن بخييييييييييير الحمدلله
طوااااااالي بتقول عاوزة سوسو
وجابت ليها كلمات تانية زي
باجو يعني فستان أو لبسة
يا الله ياتوهانكو يعني يا الله ياربي
ده غير الما بنفهمو طبعاً

عدد الرسائل : 441 تاريخ التسجيل : 21/06/2008

اهلا اهلا بحبايبنا الكرام
والله سعيد جدا جدا برعودتكم وبالخصوص ميسون وعاصم والله مشتاقين شديد
نورتو المنتدي واهلا ومرحب بيكم من جديد

السلااااااااااااااااااام عليكم جميعا ورحمة الله وبركاته

اولا والله نشكر عمنا الفاضل محمد احمد للمثابره والاجتهاد عشان يقوم لينا المنتدى من جديد وبالجد بتعملنا يعني شنو الزول مايتخلى عن حاجاتو بسهوله ومشكوووووووور كتيييييييير على رجعة المنتدى القديم اللي احنا بدينا فيه الخطوات الاولى من التواصل والتراحم وان شاء الله نواصل

مرحب بيكم جميعا ياعصابه المنتدى والله مشتاقييييييييين ياجماعه الجوه والبره وان شاء الله الناس تتلاقى في المنتدى مدام ماقادرين يتلاقى في الواقع من جري الدنيا والمشاغل وان شاء الله ماننقطع ابدا من التواصل داخل المنتدى

اها ياخوانا وييييين ناس الامارات وناس امريكا وباقي ناس السودان وناس السعوديه ان شاء الله كلهم عندهم خبر بالعوده الجميله دي

ان شاء الله عاد يامحمد احمد لا بننقطع ولا بنكتر الجيه ههههههههههههههههههه غايتو الاخيره دي هزار ساي حنكتر الجيه شدييييييد

الحمد لله على عودة المنتدى واشكر من اعماق قلبي مدير المنتدى محمد احمد على اعادة تنشيطه فهو منتدى جميل والناس اتعودت عليه وان شاء الله يرجع التواصل افضل مما كان

عوداً ..حميداً لكل الأخوة الأعزاء الاخت السيدة/ناهد الحسين والاخ العزيز محمد كباشي ..بس عاوزين الناس تصبر علي المنتدي واكيد الهكرز ..والبكرز ...والجريوات ...ما حا يخلونا ...ولا قدر الله حا تكون في مشاكل بطء وغيرها لكن الناس تصبر علي المنتدي ..لانه مع المشاغل هو الوسيلة الوحيدة ...للإلتقاء ...والناس تفتح صفحة جديدة .....وبعدين يا عاصم وميسون والله محاسن بقت خطيرة ..بتتكلم ماليزي ذي الترتيب ..ربنا يحفظها ...وتحياتي لها ....شديد ...وسوته

أكيـــــــــــــد يا عمنا حا نصبر على المنتدى مهما حصل ومهما كان بطئه
لأنو بيجمعنا وبيلمنا رغم بعد المسافات وإختلاف الأزمنة
وربنا يكفينا شر الهكرز والبكرز والجريوات

أهلا بيكم يا شباب ويا شابات
ومنورين المنتدى والله

عدد الرسائل : 765 تاريخ التسجيل : 13/06/2008

السلام عليكم ورحمه الله وبركاته اولا اشكر المدير علي فتح هذا المنتدي الذي من عبره نتواصل مع اهلنا دخل وخارج وطننا الغالي وسلامي لكل الاعضاء واتمني ان يتواصلوا دوما لمعرفه الاخبار

يااااااااااااشوااااااااق سلااااااااامات والله بالجد اشواااااااااااااااق كتيييييييييييييييره والله ان شاء الله المنتدى يرجعنا نعرف اخبار بعض طوالي وماننقطع ان شاء الله ،، وين عليك الله اسيا قوليها والله مشتاقين وفاقدنك في المنتدى ونتلاقى يابنات ان شاء الله في منتدى البنات

والله صحيح ..يا سيدة/ناهد ...وين آسيا قاسم ...قاطعة موية ونور ...بالله شفوفوها لينا مالها ...أم تقوي ...وهي وزوجها أبو الحجاج الخطيييررررر...الذي يجل أصعب الغلوتيات ...واغمضها ....أظهروا يا جماعة ...

تسلموا ياجماعة يسال منكم الخير ومبروك عليكم المنتدى من جديد ربنا يعمروا بيكم ومشكور يامديرنا على جهودك الواضحة..... وينك ياناهد ماظاهره واشواقنا ليك ليك دايما حضور..... وتسلم ياخالوا الفاتح والحاج بيسلم عليك وقال ليك حايظهر قريب انشاء الله

عدد الرسائل : 237 تاريخ التسجيل : 28/06/2008

السلام عليكم يا اخوانا واخواتنا واعمامنا الاعزاء والحمدلله المنتدي رجع من تاني عشان نتواصل معاكم ونعرف اخباركم
اول باول ومافي زول فقدنا ياجماعة لكن برااااانا فقدنا روحنا ونرجو من بقيت الاخوان والاخوات يرجعو للمنتدي ويعيدو
ليه حركته وبهجتو من تاني زي زماان ونسال الله ان يشفي اخونا مرتضي ونرجع تاني للدوير في العاب المنتدي ربنا يشفيك يامرتضي ونشكر عمنا محمد احمد لانو ماياس من المنتدي واعادو لينا تاني وياجماعة حانقطع تاني يجي اسبوعين كده من المنتدي شغالة امتحانات الماستر ودعواتكم معانا والف مبرووووووووك بعودة المنتدي مرة اخري

رندا ابراهيم يوسف الجلال كتب:: ومافي زول فقدنا ياجماعة لكن برااااانا فقدنا روحنا

ونسال الله ان يشفي اخونا مرتضي ونرجع تاني للدوير في العاب المنتدي ربنا يشفيك يامرتضي

وعليكم السلااااااااااااااام ورحمة الله تعالى وبركاته
ما فقدناك يا أم رناد لأنك موجودة في البال وفي الخاطر، وعارفنك مشغولة بدراسة الماجستير إنتي وهنادي، ومشكـــــــورة كتيــــــــــــر لأنك ظهرتي رغم إنشغالك بالدراسة، نسأل الله العلي القدير أن يوفقك وأن يوفق هنادي وأن تحرزوا أعلى الدرجات، وأن تعودوا لينا بقوة في المنتدى
أود أن أنتهز هذه الفرصة وأسألك عن هيثم وهنادي وميساء والمحامي المخضرم علاءالدين
أرجو أن تبلغيهم سلامنا الحار وأن يظهروا ليعمروا لنا المنتدى ويزيدوه تألقاً وبهاءً
أسأل الله رب العالمين ورب العرش أن يشفي أخونا العزيز مرتضى ويقومه بالسلامة ويعود للمنتدى بألف سلامة وبألف صحة وألف عافية
آميـــــــــــــــــــــــــــــــــــن يارب العالميــــــــــــــــــــــــــن

حمد الله على السلامه يا خال ونتمنى دوام التواصل

أود أن أنتهز هذه الفرصة وأسألك عن هيثم وهنادي وميساء والمحامي المخضرم علاءالدين
أرجو أن تبلغيهم سلامنا الحار وأن يظهروا ليعمروا لنا المنتدى ويزيدوه تألقاً وبهاءً
أسأل الله رب العالمين ورب العرش أن يشفي أخونا العزيز مرتضى ويقومه بالسلامة ويعود للمنتدى بألف سلامة وبألف صحة وألف عافية
آميـــــــــــــــــــــــــــــــــــن يارب العالميــــــــــــــــــــــــــن

[/size][/quote]
الف حمدالله عودة المنتدي وهو كعادته جميل طيبا" ملئ بالناس الطيبة الحبيبة والحبوبة المعاهم بنستمتع بي اجمل ونسة ولمة الف شكر للعم محمد احمد علي المجهود الجبار ونتمني انو يبقى المنتدي دايما" للامام انشالله..
وييييييييييييييييييين يادكتور عاصم والله مشتاقين كتير جدا شنو ماظاهرين الحمدلله انو المنتدي دا فتح عشان نقرا اخباركم وجديدكم ودايما اتذكرونا يااخوانا ياقول رندا ماإلا نطرا روحنا برانا .
نتمني من المولى عز وجل ان يشفي اخونا مرتضي ويتم ليو صحتو وعافيته اللهم امين .

السلام عليكم ورحمه الله وبركاته علي جميع عائله ال الجلال في كل انحاء العالم المنتدى مفتوح الآن Icon_cheers

ونشكر الاعمام الاعزاء علي رجوع المنتدي بخير وربنا يقدرنا علي ان نجعله عامر يارب بكل المواضيع الجميله والشيقه المنتدى مفتوح الآن Icon_surprised

والحمد لله انو رجع لينا المنتدي علشان نعرف اخباربعض ونتفقد الاحوال والسلام للجميع المنتدى مفتوح الآن Icon_cheers

ونتمني ان يرجع المنتدي كما كان واحسن من زمان ونسأل الله الكريم رب العرش العظيم ان يشفي اخونا الغالي مرتضي ويرجع لينا بالف صحه وعافيه يارب العالمين
واخر دعوانا ان الحمد لله رب العالمين

]color=red]*******$$$$$(((((((نشكر مدير النتدى على زيارته انا في الرياض بالمملكة العربية السعودية ونتمنى له عمرة مقولة وذنبا مغفورا ان شاء الله ونتمى لة زيارة اخرى باذن الله)))))))$$$$$*******[/color] cheers

السلام عليكم ورحمة الله تعالى ارغب في الانتماء الى هذا المنتدى واريد من الاعضاء ان يورونى معلومات عن هذا المنتدى

أم الحسن حيدر كتب:: السلام عليكم ورحمة الله تعالى ارغب في الانتماء الى هذا المنتدى واريد من الاعضاء ان يورونى معلومات عن هذا المنتدى

مرحب بيك يا أم الحسن
وعلى استعداد للإجابة عن أي أسئلة أو استفسارات

السلام عليكم ورحمة الله تعالي وبركاتة ...........
الف الف شكر للخال العزيز محمد احمد ..... والخال الفاتح ونشكرهم جدا علي عودة المنتدي
وبتمني من جميع الاعضاء عدم جهل المنتدي وركنة مرة اخري وانة اصبح وسيلة للتواص بين جميع الاهل
بالداخل والخارج وامني الجميع يكونو بصحة جيدة ......... وكل عاااام وانتم بخير