الهلال يقبر المريخ بثلاثية ولاأحلى!

عدد الرسائل : 134 تاريخ التسجيل : 16/06/2008

قصة الأهداف الثلاثة من الألف الى الياء..الهلال يقبر المريخ بثلاثية ولا احلى! الهلال أول المتأهلين والمريخ أول المغادرين وكانو الأقرب الى البطاقة الثانية.

الهلال يقبر المريخ بثلاثية ولاأحلى! 13783

فجر الهلال جام غضبه وسحق المريخ بثلاثية ولا احلى كل هدف يحكي عن قصة كان بالامكان ان ترتفع لاكثر من ذلك لولا كرم لاعبي الهلال وتساهلهم مع الكثير من الكرات داخل الصندوق.
* وحتى السيطرة والفعالية منذ البدايات وبعد الهدف المبكر في الشوط الاول كانت فرحة التاهل والصعود مباشرة لنصف النهائي التي تاكدت بثنائية ولا احلى.
* وللأهداف الثلاثة قصص وروايات وحكاوي نقف عندها بالتفصيل.
* ديمبا، ألم نقل لكم انه يعرف المريخاب ويعرفونه جيداً وسبق ان سجل في شباكهم في الكونفدرالية بدل المرة مرتين وانه مؤهل للتسجيل في هذا اللقاء شأنه شأن الكثيرين من اصحاب الحساسية تجاه الشباك.
* وهدف عمر بخيت اكثر من رائع ، وليست هي المرة الاولى التي يسجل فيها في شباك المريخ منذ تسجيله في الهلال ، هدف عمر بخيت كان قذيفة مدوية بدأت بلعبة مرسومة من الطرف الأيمن سيف مساوي وانتهت عند المايسترو هيثم مصطفى الذي مررها للمعلم ليرسلها مدوية في الشباك لا ترد ولا تصد.
* ألم احدثكم عن ضعف حارس المريخ حافظ في القذائف والكرات المسددة من خارج الصندوق؟
* ونفس الأمر والحال مع الهدف الثالث لايفوسا وياله من هدف بدأ من الطرف الايسر هذه المرة ومن تمريرة سا سا سادومبا الرائعة علي مشارف الصندوق. وخط 18 كانت تسديدة قوية ومباغتة في سقف المرمى فشل حافظ في اللحاق بها وابعادها لتسكن الشباك وتشعل المدرجات وتسعد الأهلة وتغيظ المريخاب.
* وما ادراك ما ايفوسا لاعب المريخ السابق والذي سعى البعض منهم لافشال انتقاله لكنه وقع في النهاية وجاءت علامة النصر وفرحة الهدف بطريقته وهو يشير لذلك بعلامة النهاية.
* وكم كان صادقا ميسي الكرة الافريقية والهلال ايفوسا ، وهو يرفض تشبيهه باي لاعب حتى لو كان وارغو والحمد لله انه شارك بالامس واعطيت له الفرصة الاخيرة ولم يفعل شيئاً ،بل ولاول مرة في عهده هؤلاء المحترفين النيجيريين الثلاثة كلتشي - ايداهور ووراغو يتجرعها المريخ بثلاثية ومن داخل المقبرة الهلالية.
* ولايزال هنالك باقي حديث من ايفوسا وعن ايفوسا، فالكرة ملعوبة من خارج الصندوق وألم احدثكم بان شباك حافظ يمكن ان تهتز بمثل هذه الكرات وطالبنا لاعبي الهلال بالتهديف فسكنت الكرات الشباك وفي النهاية حافظ لايسأل وحده فدفاعه كان مفككاً والباشا عرفها وخارج نفسه مبكرا ووسط المريخ كان تائها بدليل ان الاهداف جاءت من القادمين من الخلف وعرف كامبوس المدرب العالمي المدريدي كيف يكثف لاعبيه في هذه المنطقة الخطرة ، منطقة المناورة والمحور وبناء الهجمات والمراقبة وياله من مدرب أكد شطارته.
* وحلول مازدا لم تكن في ابعاد ثلاثي الاحتراف الخيبان ايداهور وكلتشي ولاسانا فالبدلاء بقيادة المخضرم العجب ووارغو ابوعمرين وسعيد السعودي لم يفعلوا شيئا.
* صدقوني الهلال بالأمس لعبها على طريقة المنتخب الغاني وعلى طريقة البرازيل وعلى طريقة البرشا وعلى طريقة المان وعلى طريقة شيلسي وعلى طريقة الانتر باقل مجهود وبمستوى كان يمكن ان يكون افضل من ذلك بكثير وأكبر لكن يبدو ان البرنس ورفاقه ارادوا للمباراة ان تستمر وتكتمل وفي كل مرة كانوا يعطون المريخ عشم باكر حتى يجرجروه للثلاثية وصافرة النهاية.
* الحق يقال ان قلق لم نشاهده ولم نحس به الا مع الهدف من الكرة الثابتة وظني ان لاعبي الهلال والحارس المعز استهانوا به وانشغلوا بمدافرات وارغو الذي دخل بديلا ربما يكون لمثل هذه المهام المناكفات وادعاء الاصابة والتمثيل على الحكم وشغل لاعبي ومدافعي الهلال بعيداً عن الكرة.
*ربما يكون هدف المريخ حكمة للهلالاب بعد طرد الباشا وبعد ان قذف بعض المريخاب الملعب بالقارورات والكراسي حتى تكتمل المباراة ولو ارادوها نظيفها لفعلوها.
* فاجأ كامبوس الجميع برأس حربة واحد سادومبا ورغم ذلك كان مراقباً بثلاثة مدافعين من المريخ ولم يتركهم يهدأون طيلة زمن المباراة وادى ٠٩ دقيقة بمستوى احترافي مميز وصنع الهدف الأخير الذي اكد ذيلية المريخ صاحب الشكاوي الفالصو في المجموعة.
* وجد مهند الطاهر أكثر من فرصة للتهديف والتسجيل ولكن تسديداته طاشت وضل بعضها الطريق للمرمى وبعضها الآخر جاء ضعيفاً. ومهند الطاهر واداءه امام المريخ في السنوات الأخيرة اصبح محل استفسار لماذا لايعيدنا لتلك الأهداف الرائعة كما توقعنا ، ونتمنى ان يعود في المباريات القادمة.
* مباراة الأمس اضافت ملاحم إضافية لطرفي القمة سيتصارعان على الممتاز وكاس السودان وبعد ان ضاعت الافريقية على المريخ والممتاز ربما تعود ريما لحالتها القديمة وبطولتها الوصيفة هذا اذا تفضل الهلال ورفاق سادومبا والبرنس عليهم في هذا الشهر الفضيل حتى لايخرجوا من الموسم بدون حمص.
* لقطة المباراة في الكرة الثابتة التي سددها البرنس وابعدها حافظ باعجوبة.
* الم اقل لكم بان علاء الدين يوسف سينسي الدافي الكرة وكان له ما اراد لعب معه ببردود شديد لاول مرة، وسعد الهلال بمستواه ومسئوليته وقد توقعت ان ينال الدافي انذاراً أو يطرد فنال الأنذار وسيغيب عن اللقاء الاخير للمريخ والامر سيان ومن الهلال سيغيب حمودة وعمر بخيت وربما المعز بالكرت الثاني، وربما يكون في ذلك خير كاستراحة ليدخلوا بعدها نصف النهائي بعد تأهل الهلال الذي تأكد بالدليل القاطع بصرف النظر عن اي نتائج تنتهي عليها بقية المباريات وتبقى مباراته الاخيرة امام زيسكو لتحسين المراكز وتأكيد الصدارة.
* كابوندي يحتاج للمزيد من المشاركات المحلية والزج به من البداية لم يكن في محله وقد تعرض الهلال من ناحيته في الشوط الاول لهجمات خطيرة كاد من احداها ان يفقد المعز عندما اصيب في احدى العرضيات.
* وضح ان ديمبا اسد في الدفاع ومهاجم مرعب عندما يتقدم بالهجوم مع الكرات الثابتة والعكسيات.
* امبيلي بعد دخوله كنا نتوقع منه اهدافاً خاصة ان دفاع المريخ (داخ) وبلغ قمة التعب. لكنه مال لصناعة اللعب ، حرك الهجوم وقلل من طلعات الطرف الشمال موسى الزومة.
* تأهل الهلال بالعشرة وغدا نتابع لقاء كانو وزيسكو لمعرفة من يرافق الهلال وفرص كانو هي الأكبر لكن دافع زيسكو وآماله على هذه المباراة قد تقلب الطاولة على النيجيريين فمن يلحق الهلال؟
* اما المريخ فقد تأكد بالدليل القاطع انه تذيل المجموعة حتى لو فاز على كانو باي عدد ، لان محطة ٥ اذا توقف عندها زيسكو ستكون الافضلية له.
* كل الخوف مع نهاية المجموعات ان يكون مصنف زمانه في ذيل المجموعتين وبالمناسبة الهلال بالامس ارسل رسالة مهمة للكاف بالدليل والبرهان ليدحض إدعاءات لجنة التصنيفات والمستويات الاخيرة.
* بالدليل والبرهان والأهداف وبالصدارة الهلال الزعيم وصاحب المستوى الافضل.
* آل شكاوي آل.. وآل إعارة آل وهاك يا تخدير ويا تطبيل، فماذا سيقولون بعد اليوم؟
* في رأينا المهمة الهلالية لم تنته بعد فالشعار المرفوع صدارة المجموعة بعد الفوز بمشيئة الله على زيسكو في عقر داره وزيسكو لا اعتقد بعد لقاء كانو انه يمكن ان تكون له فرصة أو امال ..
مبروك للهلال هاردلك للوصيف.
❊ لحن الختام
* اكمل الهلال الذي يمثل شعار الاسلام والمسلمين في كل مكان فرحتنا بالأمس وفي هذا الشهر المبارك بثلاثية ولا احلى، في شباك المريخ اتت بالأفراح.
* ألف مليون مبروك لهلال الأمة، هلال السودان، هلال الملايين ، سيد البلد وحبيبها الزعيم والتحية لقائد ركب مسيرة الهلال الارباب صلاح ادريس والتحية للجهاز الفني وكامبوس المدرب العالمي المدريدي والتحية للابطال فرداً فرداً والتحية لجماهير الهلال التي راهنا عليها فما خذلتنا، والتحية للملعب التحفة والقائمين عليه وهاردلك للمريخ الذي تجرعها في المقبرة كثاني فريق يقبر من داخلها بعد التحديث وسبقه كانو .
* ومن الخرطوم يرسل القطب الهلالي الشاب ابراهيم عبدالقادر ويتساءل ما سر الثلاثية مع المريخ ومدربه مازدا؟وهنالك ثلاثية زيسكو وكانو وجاءت عليها ثلاثية الهلال بالامس؟
* ورغم هذا البعد فاننا حقيقة كنا الاقرب بكل حواسنا ومتابعاتنا ومن خلال ما سطرناه في الايام الماضية ترقبا لهذا الحدث وهذه الملحمة في تواصل يومي والتحية من على البعد للـ ART والمعلقين عصام الشوالي وحاتم التاج اللذين ربطانا بالحدث عبر النقل المباشر والتعليق.
* وكم اسعدنا الشوالي كمراقب محايد وهو ينصف الهلال ويتغنى بامجاده ويتحسر على المريخ الذي تواضع وودع وتحية هلالية لحاتم التاج الذي اصبح مصدر فأل في كل المباريات التي ينقلها ويحقق من خلالها الهلال الانتصارات والنجاحات.
* ومعا على طريقة الانتصارات والبطولات ومرحلة نصف النهائي وما قبلها لقاء زيسكو.. ومبروك وإلى لقاء.

مبــــــــــــــــــــــــــــــــــــــــروك ألـــــــــــــــــــــــــــف مبــــــــــــــــــــــــــــــــــــــــروك
لهلال الملاييـــــــــــــــــــــــــــــــــــــــــــــــــــــــــــــــــــن
مبــــــــــــــــــــــــــــــــــــــــروك ألـــــــــــــــــــــــــــف مبــــــــــــــــــــــــــــــــــــــــروك
لجميــــــــــــــــــــــــــــــع الأهلــــــــــــــــــــــــــــــــــــــــة
مبــــــــــــــــــــــــــــــــــــــــروك ألـــــــــــــــــــــــــــف مبــــــــــــــــــــــــــــــــــــــــروك
الإنتصــــــــــــــــــــار الساحـــــــــــــــــق والمستحــــــق
وإن شاءالله عقبـــــــــــــــــال الكـــــــــــــــــــــــــــــــأس

شوفو الأهداف وروعتـــــــــــــها
شوفو الصواريـــــــــــــــــــــــــــخ التي لا تُصـــــــــد
شوفــــــــــــــــــو المــــــــــــــــــــــوج الأزرق الهـــــــــــــــــــادر

الـــــــف مبرووووكـ للهلال لاكن انا مريخابي لاكن بهنيكـ عشان تستنوا العقاااااب الجاد والرد الحيكووووون مولع نااار والـــف مبروكـ مرة تانية ليك يا عصام وحسن وعلاء وكل هلالابي Very Happy

مبرووووكـ

الهلال يقبر المريخ بثلاثية ولاأحلى! 1234_4

مبروووووك ...للهلالاب الرشاشات ...هذا الفوز ..المستحق ...والله تستاهلوا ...واظن كلمة قالها جمال الوالي رئيس المريخ ..بعد خسارة المريخ بطولة سيكافا ..ان الفريق غير جدير بالمشاركة في المشوار الأفريقي ...ولكن بعد فترة لحس تصريحه ..ويظهر تعرض لضغوط من مجلس الادارة ...وبصراحة انا من خسارة المريخ لسيكافا ...بطلت ..تصريحات لقناعتي ان هذا الفريق يحتاج للكثير ..وبالاخص ..الجهاز الفني الذي يوظف مهالاات اللاعبيين ....مبرووووووووووووك لكل الهلالاب ...ولقيتوها ...واضم صوتي لميدو ..بان الشخص تكون روحه رياضية علي الرغم من حزننا بالخسارة ..

السلام عليـــــــــكم جميعا طبعا انا ياخوانا ماعندي اي علاقه بالكوره ركبت المواصلات بتاعت المنتدى نمت صحيت لقيت الحافله نزلتني هنا قلت مابطلع ساي خصوصا انو حسام الدين رسل لي ايميل لمن شفتو قلت خلاص بما انو الحافله نزلتني هنا وكده كده انا حنتظر الحافله الجايه بدل مااقيف ساي انزل ليكم الحاجات الرسلها لي حسومه وليها علاقه بالموضوع الشايفاكم بتتناقشو فيه ومعليش ياعمنا ولا يهمك بكره المريخ يعوض الخساير دي بانتصارات لا ليها اول ولا اخر ولا تزعل ومبرووووووووووووووك للهلالاب يعني اي نعم مابعرف كتير في الكوره لكن الاهداف شكلها خطيييييييير جدااااااااااااااا

باري ديمبا

إي فوسا

الهلال يقبر المريخ بثلاثية ولاأحلى! Ifosahilarik

الهلال يقبر المريخ بثلاثية ولاأحلى! Ifosahilarik

عمر بخيت

الهلال يقبر المريخ بثلاثية ولاأحلى! Omarhilarik

عدد الرسائل : 441 تاريخ التسجيل : 21/06/2008

[b][i]هههههههههههه الله اكبر الله اكبر
دما سيد البلد دما حبيب الجماهير
الليله ياعم الفاتح اقتنعت ان فريقك فاشل
واحيك علي روحك الرياضيه
بصراحه انا قلت عم الفاتح براهو في مصر لمن يعرف الخصاره
دي خفت عيك من الصدمه وانت براك اي والله
الليله واجيد ليا المريخ طردو ياود القبيله الميته

مشكوره يا ناهد يا راقيه وحسام زاتو طول عمرو سيد الرقي
الهلال يقبر المريخ بثلاثية ولاأحلى! 2183_1250287767

الهلال يقبر المريخ بثلاثية ولاأحلى! 2183_1250287767

شكرا يا ناهد على الأهداف الجميلة
لكن ما عجبني كلامك عن إنو المريخ يعوض الخسارة
المريخ ده لازم دايما يكون ورا وبس

من سره زمن ساءته ازمان

اولا مبرووووووووك للأهلة الأنتصار لأنوا أولادكم لعبوا بمسئولية و أدوا اداء جاد

و الكورة بتدي البديها و ما بتدي حريف ( أنا ما بفسر و أنت ما تقصر )

نحن صفوة ( عارف الكلام ده ما ح يعجب ناس لأنها الحقيقة ) عشان كدة لا يبطرنا نصر و لا

تكسرنا هزيمة و نتقبل الهزيمة بصدر رحب جدا و نحاول نعالج كل الأخطاء و زي ما قالوا العترة

بتصلح المشية و الايام دول . و في اعتقادي من مشاهدتي للمباراة بما انو المريخ يلعب بعشرة

لاعبين كان الاقرب للنصر لولا سوء الطالع و رعونة بعض اللاعبين

و لم تزدني الهزيمة الا عشقا فيك يا مريخ فأنت الزعيم تجري منا مجري الدم

نحن صفوة ما في كلام و لا بتفسروا تشجيع الهلالاب المستميت للفرق الأجنبية لما تلعب مع المريخ

بشنو ؟؟؟؟؟؟؟؟؟؟؟ يعني موجوعين منو شدييييييييييييييييييييد و لا دا حقد سااااااااااااااااكت

و أقول للأخوة الصفراب من كل القلب مبرووك النصر المستحق و الكوره غالب و مغلوب

و عزانا الوحيد انو ح تمثلوا السودان و الطريق ساااااااااااااااااااااااااااااااااااااااااااااالك

يلاااااااا علي الكاس طوالي عشان تمسحوا صفركم الخارجي ده و ما يجوا الصفوة يقولوا

ليكم الكاسات المحمولة جوا

مشكورين يا مريخاب (ميدو، عمنا الفاتح، و د.غسان) على روحكم الرياضية التي بدأت عالية ثم بعد ذلك إتجهت لإتجاهات أخرى
المشكلـــــــــة يا عمنا محمدأحمد بعد هذه الهزيــــــــــمة النكـــــراء بالثلاثية الهلالية الرمضانية الرائعة، وبعد تذيُّـــــلهم للمجموعة وبعد الفضائح والهزائم التي تجرَّعوها هنا (في عقر دارهم) وهناك (في أدغال أفريقيا) لســــــه لسانهم طويــــــــــــــــــــــــــــل ولســـــــــــــــــــــه بيقولوا وبيدَّعو بإنهم الصفــــوه،
أما يا دكتور غسان إنت بتتسائل عن تشجيع الأهلة للفرق الأجنبية لمن تلعب مع المريخ (رغم أني لا أؤيد هذا) فهذا نتاج طبيعي ورد فعل طبيعي لأنَّ المريخاب بيعملوا كده بل وأكثر من كده، فكلّ ٌ منا يعاشر المريخاب سواء ً في مكان العمل أو الدراسة أو الحي، وكلنا نعرف حســـدهم وأحقــــــادهم علينا خاصة ً عندما نصل قمـــــة بطولةٍ ما ونخسرها (لسوء التحكيم تارة ً ولسوء الطالع تارة ً أخرى) تجد الشماتة في أعينهم وتجد اللسان بقى طوله أمتــــــار وأمتـــــار، حتى ولو إفترضنا أننا خسرنا البطولة لسوء الأداء، مش المفترض لو أنكم (صفوة) كما تدَّعون تقفوا إلى جانبنا بدلاً من الشماتـــــــــــة
إذن أيــــــــــن الحااااااااااااااااسد وميــــــــــن الحااااااااااااااااااقد؟؟؟؟؟
أنا رأي شوفو ليكم طريقة تصلِّحوا بها ما يمكن إصلاحه وتنقذوا بها ما يمكن إنقاذه بدلاً عن طولـــــــــة اللســـــان

والله يا عاصم جبتها من الآخر
وأنا داير أعرف حاجة بس
الصفوة ديل ما مفروض يتحملوا الهزيمة بروح رياضية
الصفوة ديل كسروا 300 كرسي من استاد الهلال
وفلقوا في كورة زيسكو لمن المبارة وقفت ربع ساعة
والصفوة ديل قالوا يا نتأهل برانا يا نطير سوا
طيب وين الصفوية هنا؟؟
الصفوة ديل قبل كده في سيكافا كتلوا صحفي تنزاني
وقبل كده في الممتاز كسروا يد لاعب الموردة يوسف الصيني،، وين الصفوية يا صفوة؟؟؟

الاخ عاصم و السيد المدير ليكم التحية من علي البعد

أتمني أن كلامي ما يكون ترك حاجة في النفوس . أنا سعيد مثلكم تماما , ما لأنو الهلال هزم

المريح .. بل سعيد لأنو الهلال صعد للأدوار النهائية و أصبح الان الفريق الأقرب للكاس ....

و كما ذكرت أخونا عاصم أنك عايشت المريخاب في كثير من الأماكن نحن بنفس القدر عايشنا

الاخوة الهلالاب ... و ما في عذر لأنو المشجعين من أي الفريقين يشجع الفريق الأجنبي و قاتل الله

الاعلام الهدام

و كلامي عن صلاح أدريس دا رأيى فيهو حتي من قبل أن يكون رئيس لنادي الهلال و صلاح ده

ما بشبه الهلال و لا الهلال ما بشبهو ..........................

و في الختام سادتي .. هذه المناكفات لا تفسد للود قضية و لكم العتبي كان لسانا طال عليكم

و تقبلوا فايق تحياتي و احترامي .........

غسان فيصل فضل الباري كتب:: الاخ عاصم و السيد المدير ليكم التحية من علي البعد

أتمني أن كلامي ما يكون ترك حاجة في النفوس .

السيد الدكتور المحترم/ غسان

يا زول والله كلامك على العين والراس
ولا ترك حاجة في النفوس ولا أصلا النفوس ممكن تشيل في موضوع زي ده
أنا شخصيا ما عندي كبير غرض في الكورة وأنا كنت فيما مضى بشجع الهلال
ولكن تركت كرة القدم بما فيها ومن فيها منذ زمن بعيد
ولكن أكيد الواحد يشعر بالتعاطف مع النادي الكان بشجعو سابقا
وكل ما أكتبه في المنتدى هنا من مناكفات وقفشات وممازحات القصد منو التسلية والمرح ليس إلا
كورة شنو يا زول البتترك شي في نفوسنا، اطمئن من الناحية دي وخت في بطنك بطيخة صيفي
وأنا عارف إنو مشجعي الفريقين لا يخلو أي منهم من التعصب وتشجيع الفرق الأجنبية
والحال كلو من بعضو
تحياتي ليك وكل سنة وانت طيب

غسان فيصل فضل الباري كتب:: الاخ عاصم و السيد المدير ليكم التحية من علي البعد

أتمني أن كلامي ما يكون ترك حاجة في النفوس . أنا سعيد مثلكم تماما , ما لأنو الهلال هزم

المريح .. بل سعيد لأنو الهلال صعد للأدوار النهائية و أصبح الان الفريق الأقرب للكاس ....

.........

أخونا الدكتور غســــان أبداً أبداً مافي حاجة في النفوس وليه بتقول كده،
ده مجرَّد نقاش وخد وهات ليس إلا،
وزي ما قلت الإختلاف في الرأي لا يُفسد من الود قضية،
وأحييك على شعورك النبيل نحو صعود الهلال للأدوار النهائية،
وأنا بدوري أتمنى من الله العلي القدير أن أرى الهلال والمريخ والسودان في مصاف الفرق
الضاربة التي تتسيَّد البطولات الأفريقية والعربية (وبإذن الله بإذن الله) العالمية
لك التحيـــــــــــة وكل عام وأنت بألف خيـــــــــــــر
والسنة دي قبل الجاية عريـــــــــــــــــــس إن شاءالله

عدد الرسائل : 134 تاريخ التسجيل : 16/06/2008

التحية والتهنئه للأخ الحبيب عاصم والشكر الجزيل لك لكلامك المتزن كما التحايا والتهاني موصولة للمدير ومصعب وناهد وجميع الأهــــــلة الراقيين العاشقين لهذا النادي الحضاري

لكن سمعتو ااااااااااااااااااااااخر خبر شنو ؟
مجلس إدارة المريخ يدرس إمكانية المشاركة في الدورة المدرسية القادمة هههههههههههههههههههه

والله يا حسن عبدالله دي بالغت فيها عدييييييييييييييييييييللللل...نحن بنقول ...الكلام هنا وقف ..ورونا شطارتكم ..يا جماعة الخير ..فريق من اسسو كاس مجاعة واحد ما جابو عليك الله ..الجدير يشترك في الدورة المدرسية منو يا دكتور حسن ...والله انا خايف كاس البرنجي ما تجيبو ..نحن سكتنا وان شاء الله الهزيمة دي بتكون قاعدة للانتصارات ...وارجعو للناريخ في المنتدي ده في بوست كاتبو انا بعنوان يا جماعة كفروا لي هلالاب المنتدي ...وانا اصر الفريق بتاعنا فيهو كثير من العناصر الجيدة ولكن يوجد خلل واضح في خطط الجهاز الفني ..

الف مبروووووووووووووووووووك لينا ياحسون الجديد الشديييييييييييييييييييييد مـــــــــــــــــــــاسدا استقال هههههههههه[b]

السلام في البدء وفي الختام ثم الصلاة والسلام علي خير الانام
سادتي انني لم اتصور كل هذا الفرح من الذين ينتمون الي ذاك الشعار ويعرفون بالهلالاب فرح الغلابة فرح الذين لم يتذوقوا طعم الفرح منذ عامين حتي ان المريخاب لا يتذكرون متي فاز الهلال عليهم علي كل حال شكراً للحكم الذي وهبكم هذا الفوز الظالم ولو اتقدمتوا اكتر من كدة قابلوني يا فريق الحكام

السمؤل تاج السر الجلال كتب:: السلام في البدء وفي الختام ثم الصلاة والسلام علي خير الانام
سادتي انني لم اتصور كل هذا الفرح من الذين ينتمون الي ذاك الشعار ويعرفون بالهلالاب فرح الغلابة فرح الذين لم يتذوقوا طعم الفرح منذ عامين حتي ان المريخاب لا يتذكرون متي فاز الهلال عليهم علي كل حال شكراً للحكم الذي وهبكم هذا الفوز الظالم ولو اتقدمتوا اكتر من كدة قابلوني يا فريق الحكام

إزيك يا سيد سموءل
وكل سنة وانت طيب
ياخينا الفرح بين ناديي القمة حين الفوز شيء عادي
والحاجة التانية وين منذ عامين؟
الهلال ما فاز على المريخ في التنشيطية
قبل أقل من سنة؟

اخبار الجماعة شنو فى معسكر الامارات
بس ما تسكتو وخليكم مواصلين
اجمل الاعوام لم تأتى بعد
والذعيم هو المريخ العظيم
امس فى لدى لقاء البشير بجماهير المريخ صرح بأن السيد المهذب / الوالى .... حفظه الله ... هو رئيس
اكبر حذب بالسودان الا وهو المريخ العظيم .... ولم يعلن البشير بان المريخ هو اكبر شعب وامة على الاطلاق على
المستوى الرياضى حتى لا يثير بنى جلدته من الزرق وحتى لا يتفوه اوكامبو مرة اخرى بان الامر بعد الابادة اتجه للانحياذ القومى
اصحى يا عجب

وين انت يا استاد علاء والله ليك وحشة وبالله اظهر وبان ...