عمنا العزيـــــــــز محمد الفاتح يغادر الخرطوم لقاهرة المعز

غادر الوطن الحبيب عمنا العزيـــــــــــــز محمد الفاتـــــــح أبو يسري
متجهاً لقاهرة المعـــــــز في رحلة عمل رمضانيـــــــة
أتمنى لك يا عمنا رحلــــــــة عمليــــــــــة موفقــــــــة بإذن الله
كما أتمنى لك العودة الحميدة لأرض الوطن
وأرجو أن تخبرنا عن أخبارك وعن أخبار رحلتك ومتى العودة قبل العيد أم بعده
ولك التحيـــــــــــــة من على البُـــــــــــعد

ربنا يكتب السلامه ياخالو ورحله موفقه وعودا حميدا

رحله بالتوفيق بالله نحنا بينا التلفون مانعرف يعرفوا ناس ماليزيا دي تكنلوجيا ولا جفاء يابن الخال
بالتوفيق والسداد ياحبيب

تحياتي ...للجميع ..وأشكركم علي الإهتمام ...ورحلتي هي رحلة عملية وإجتماعية ..فكما تعلمون أن لي ولد أسمه ..يسري ..وهو مقيم مع أمه بالقاهرة ..وهي تعمل في السفارة السودانية بالقاهرة ...في الإدارة المالية ...والزيارة تدخل في باب تفقد الرعية وتفقد الأحوال وهذه الايام موسم امتحلنات وكده ...وثانيا ..عنىد يتأشيرة عند الكنديين وهي دورة تابعة للوزارة ومعصلجين معاي عصلجة شديدة ..ومن المفترض اسافر من شهر اغسطس ..ولكن هولاء القوم ..يظهر عندهم فهم مع الموظفيين الحكوميين ..يعني نحن تبع الحكومة وكد ..واي شئ طلبوه جبتو ليهم باقي ليهم لبن الطير ..المهم ...والله علي ما اقول شهيد ان في نفسي ما عاوز السفر لهذا البلد ..واستخرت الله عز وجل كم مرة ..وماشايف لي خير فيها ...وادعو لي الموضوع يطرشق ..عشان مايقولوا لي رشحناك ..واعتزر ت واحسن يعتزروا الكنديين ....ويا إبن العمة لا تثريب عليك ..والله جات سريعة كده وما مبرمجة ومن المفترض ارجع نهاية هذا لاسبوع ..لكن حجزي احتياطي ...وربنا يسهل ..ختاما ..لكم التحية والتجلة ...ولا عدمتكم ..

الحسين احمد محمد الجلال كتب:: رحله بالتوفيق بالله نحنا بينا التلفون مانعرف يعرفوا ناس ماليزيا دي تكنلوجيا ولا جفاء يابن الخال
بالتوفيق والسداد ياحبيب

عمي العزيز الحسين، حقيقةً علمتُ بسفر عمنا الفاتح عن طريق التلفون، فقد هاتفنا قبل كم يوم عن طريق الرووم Rooming الأخ العزيز سفيان وزوجته العزيزة ناهد (جزاهم الله عنا كل خير) ليباركوا لنا الشهر المبارك، وقد أخطرني سفيان بسفر عمنا المغلوب شيَّال الطوب الفاتح
======
ويا عمنا المغلوب شيَّال الطوب الفاتح إن شاءالله بالتوفيق والسداد، وإن شاءالله ربنا يسهل ليك سفرك لكنده وييسره لك، على الأقل فرصة تشوف البلد ديك وتشوف التكنلوجيا الوصلو ليها وتستفيد منها إن شاءالله
وطبعاً أول مرة أعرف أن إبنك يسري وأمه في مصر، إن شاءالله ربنا يسهِّل عليه الإمتحانات ويوفقه ويصبح من المبرزِّين والمتميِّزين

وين يا سيد عاصم بالله كيف ناهد وسفيان ..تحياتي ليهم جميعا ..بعدين يسري تم سنة بالضبط في القاهرة ..وهو بخير الحمد
لله وصحة جيدة ..وبقي لسانو مصري ..وبتاع حنك ..ويقول ليك والنبي يابابا ..وبص ..وحركات مصريين ..ومرة سمعتو في شكلة وقلت خلاص الزول المعا يسري ده بكون اشبعه ضربا ...لان الصياح والكواريك تصم الاذان ..بعد شوية الشكلة انتهت ..لانه مافي ضرب شتايم بس ...واذا حلقومك كبير ...وشتمتك في الصميم انت الفائز ...بالله شفت السلام الاجتماعي ده ..حقو يدونا منو شوية ..في واحد والله زوج واحدة زميلتنا ..سائق هايس واحد شاكل الكمساري بتاعو في 50 قرش ..قام نزل يحجز الراجل المشاكل الكمساري ..سدد للسواق طعنه فمات فورا في 50 قرش ..ازهقت نفس برئية ...اما عن الكنديين ..والله انا كرهتهم عديل والله وبكرة عندي مواعيد معاهم ..وما ح اديهم كل الورق الطالنو لاني عاوز ارجع السودان ..وعندي اصدقائي قالوا لي ما تجي في موسم الشتاء لان هناك البرد شديييييييييييييييييييييييييييييييييييييييييييييد ....وان شاء الله ربنا يقسم لينا حاجة غيرها او هي اذا في الخير ...مع حبي وتقديري

العزيز الفاتح ربنا يسهل عليك طريقك و يرجعك لينا بالسلامة

ان شاء الله ربنا يسهل ليك موضوع كندا و يجعلها اخر خطوة

و سودان شنو عليك الله يا عم

ان شاء الله ربنا يجعلها في قسمتك و يجعل ليك فيها الخير

تحياتي لام يسري و يسري و لكل الاحباب في قاهرة المعز

الأخوان حسن عبد الله حسن الشيخ و د. هشام جعفر أحمد عثمان

مشكووووووووووووووووووووووووووور ..يا غسان وان شاء تحياتك تصل ..ليسري وامه ...ام عن الاخوان الصغار دكتور حسن فهو في السعودية للاسف لن يحضر قبل اكتوبر ..اما عن دكتور هشام بالله لو عندك ليهو تلفون خبرنا به ...مع شكري ..ويا اخي السودان ده مع انه حفرة لكنه والله بتشتاق ليهو بي سجمو ده ..اما الكنديين ديل روحهم سلبة ربنا ينتقم منهم ...ولك شكري وتقيدري

عاصم عبدالله الشيخ الجلال كتب:

الحسين احمد محمد الجلال كتب:: رحله بالتوفيق بالله نحنا بينا التلفون مانعرف يعرفوا ناس ماليزيا دي تكنلوجيا ولا جفاء يابن الخال
بالتوفيق والسداد ياحبيب

عمنا المغلوب شيَّال الطوب الفاتح
======
ويا عمنا المغلوب شيَّال الطوب الفاتح إن شاءالله بالتوفيق والسداد،

كلامك بتاع المغلوب شيال الطوب ده
رجعني 25 سنة لي ورا يا عاصم
تتذكر أيام مدرسة العزبة
لمن كنا بنلعب كورة الدومة ( مدرسة )
وهي لعبة من 4 أفراد وكل فرد عندو مرمى صغير عرضه حوالي متر واحد
عشان كده سموها مدرسة

المدير كتب:: كلامك بتاع المغلوب شيال الطوب ده
رجعني 25 سنة لي ورا يا عاصم
تتذكر أيام مدرسة العزبة
لمن كنا بنلعب كورة الدومة ( مدرسة )
وهي لعبة من 4 أفراد وكل فرد عندو مرمى صغير عرضه حوالي متر واحد
عشان كده سموها مدرسة

ودي أيـــــــــام تتنسي يا عمنا
ذكريات جميــــــــــــلة وفي نفس الوقت صعبة
لصعوبة أساتذة العزبة معنا
ولكن يا عمنا أكيد ناس الجيل الجديد أمثال
ميدو، محمدالنيل، محمد فصيل، رامي، أباذر، يوسف، مصطفى ووضاح
ما بيكونوا بيعرفوا اللعبة دي
بيكونوا بيعرفوا الــ play station والأتاري وكده
ولا ما كده يا شباااااااااااااااااب
؟؟؟

الاحبه الكرام
اليوم الابيض الخلي عاصم يبقي دفعه ده ود اخو شنو البناقرك كده يامحمد الفاتح الظاهر عليك في الطفوله ماجلدته كتير ووريته العين الحمراء
الخبر الرائع ياعاصم محمد الفاتح جاييكم في ماليزيا لاكن مش في محلاتكم البلوريتاريا دي حايكون في قصور كوالا ودي الماليه والاجر علي الله واخونا محمد الفاتح جدير بكل هذا ادعو له بالتوفيق