عـمـل خـيـري

موضوع: عـمـل خـيـري الخميس سبتمبر 18, 2008 3:01 pm

احبائي الافاضل
كنت اود لو توجنا هذا العمل بعمل خيري يحسب للموقع بمعني اخر ارجو ان نفرض اشتراك اسمي اكرر اسمي حتي ولو ريال في الشهر ويوضع هذا المال في يد امينه فقط للطواري والحوجه اذا مرض احدنا نساعده منه الي اخر حوائج الدنيا
واديكم مثال رابطه ال الجلال بالخرطوم تجمع كل شهر من كل فرد 10 الف يعني 10 جنيه والحمد لله فقط للعمل الخيري للمرض والعلاج وذوي الحاجه وفي سريه تامه يعني مفوضين لجنه تتصرف بدون ما ترجع لينا ومهمتها تتحسس ظروف الناس
ما رايكم دام فضلكم

إقتراح جميل جداً ..جداً ..وفيه دعوة للتراحم والتكافل ...وما أظن أحد عندو مانع ..فقط حددوا فئة المساهمة كم في الشهر ..وأقترح صاحب الفكرة الأخ الحسين يكون أميناً عاماً لهذا الصندوق ونشوف زول أو زولة نشيطة لمساعدته ..وممكن بعد تحديد فئة الاشتراك ..نشوف كيفية الدفع ..وأقترح ما تكون شهرياً يعني نعطي الاعضاء خيارات :

1. دفع الاشتراك مقدماً لمدة ثلاثة شهور
2. دفع الاشتراك مقدماً لمدة 6 شهور
3. دفع الاشتراك مقدماً لمدة سنة .
4. دفع الاشتراك مقدما لمدة اكثر من سنة .
وهذه الطريقة مفيدة لأن الدفع الشهري مرهق لأمين الصندوق وللشخص المساهم نفسه وذلك لانه كل شهر بيكون برنامج
طبعاً هذا سوف يتطلب فرز العضوية يعني نشوف الطلبة ونستبعدهم والناس الخرجيين ولم يعملوا بعد ونركز علي الناس الشغالين ...ونشوف العدد كم ..وهذه مسألة غير صعبة إذا الإنسان رغب أن يدفع ...ممكن نعمل رقم حساب عديييل في البنك والشخص ممكن يدفع أو يحول مباشرة في الحساب ...جزاك الله علي هذا الاقتراح وربنا يجعله في ميزان حسناتك

جزاك الله خيرا يا ابن الأم على هذا الاقتراح الممتاز
وربنا يجعلو في ميزان حسناتك إن شاء الله
ونحنا معاكم وأي شي تحددوهو بنلتزم بيهو بإذن الله
وأتمنى التفاعل من كافة الأعضاء

لا مانع لدى

بارك الله فيكم وبارك لكم رزقكم واولادكم
وفي انتظار التفعيل والله من وراء القصد----- كلامك جميل يااخي محمد الفاتح وانت الاقتصادي الرائع الله يحفظك
فارجو تنسيق الامر واذا انا قبلت التكليف ارجو ان تكون انت معي

ما في أي مشكلة أنا قبلت التكليف معك ...بس باق نحدد فئة المساهمة كم في الشهر ..وممكن الاخوان طارق وناهد يعطونا بيان العضوية الحقيقية اقصد العاملة من واقع البيانات الموجودة عندهم ...وتاني بنشوف الحاصل شنو ..وكبففية الدفع ويا جماعة ..الزول ما يستقل المساهمة والشئ القيليل بيبقي كثير والله يضاعف لمن يشاء ..

فكرة جميلة جدا ياابوي قروش رمزية ولمن تتجمع بتعمل فايدة كبيرة فى احتياجها كتير من الناس انا معاكم بإذن الله بس حددوا لينا القيمة الشهرية ونجمعها عند منو وربنا يقدرنا كلنا علي عمل الخير ونمشي فيو دايما

بسم الله الرحمن الرحيم
شنو ياشباب تعجبكم الفكره وتويدوها وفجاءه يصيبكم الفتور وتنسوها
ولا شنو يا اخي محمد الفاتح

عدد الرسائل : 441 تاريخ التسجيل : 21/06/2008

والله فكرة في غاية الروعه وانا معاكم
ياريت دايمن يكون في اعمال ذي دي
نساعد المحتاجين