خمسيات فريق سيد البلد ....يا جماعة نحن لمن غلبنا الوحدات ..بالسباعية دي ...كلنا خارج ارضنا ...وبعيدين عن جمهورنا ...وما تشدقنا ..وافترينا وقلنا الكاس كاسنا ومازمبي ده فريق وهم ساكت ...وسوف نكتسحو بناس اسامة التعاون ..والله اللاعب ده بزكرني التاكسي التعاوني الزمان داك بتاع الشيخ السعودي جميل خوقير ..وكان ده اول تاكسي يكون فيهو كمساريي هيييييييييييييييييييه.....المهم الهلال اتبجح وانتفخ ..وسجل هزيمة تاريخية تكتب في الارقام القياسية ...لفريق بنال هذه الهزيمة الثقيلة امام جمهوره ....ويا جماعة انا لمن المريخ اتغلب وشالو منو كاس سيكافا ...شنيت هجوم عنيف علي الفريق ....وكان من الامانة تشوفو مواضع الضعف وين وتنتقدوا فريقكم ...مش تدافعوا عن الغلط ...وانتو ...وانتو ...علي كل حال والله انا شخصيا ماردتها ليكم ..وقلت دي فرصة علي الاقل علم السودان يترفع ..ويشيل ليهو كاس ...وح يقولوا الهلال السوداني ....لكن ..لكن ..الخمسة دي حااااااااااااااااارة ....والعوض علي الكرة السودانية ..والله لا هلال نافع ولا مريخ نافع ...والاموال اليتدفع دي احسن ندفعلها لمكافحة الاوبئة والملالريا واجلاس الطلاب والكتاب المدرسي ...وبناء المدراس وتاهيل مراكز البحث العلمي والجامعات ...ممكن بأحدي هذه الطرق ينبغ لينا زول يرفع اسم السودان عالياً.....