ياخواننا المنتدى ده صاني كده مالو

السلام عليكم ورحمة الله وبركاته

لاحظت في الآونة الأخيرة المنتدى بقى صاني صنة شديدة، وما عارف الحاصل شنو، يا ناس ميدو وداليا المدارس فتحت وللا شنو؟ نورتوا لينا المنتدى في فترة كده وبعد داك اختفيتو، وأخونا يوسف الهايص برضو، الحاصل شنو يا جماعة؟

ابن الام الغالي
والله حكايه غريبه الشباب ديل ماعرف الحصل ليهم شنو الهايص بداء العام الجامعي في جامعه عطبره ولسه برلوم بره الخرطوم الباقين ماعاف نايمين ليه
هيا ياشباب

بالمناسبه الابن عبدالجليل عبدالرحيم ابوالجود ود رابحه رزق بنت واحتسبت كانت ناقصه امبارح ربنا يعوضه الابرك والافضل

لا حول ولا قوة إلا بالله العلي العظيم
إنا لله وإنا إليه راجعون
ربنا يعوض إبن العمة عبدالجليل وزوجته
ويجعل لهما البنت سلف لخير خلف

ربنا يعوضو ويجعلها له سلفا
يا رب العالمين

عدد الرسائل : 765 تاريخ التسجيل : 13/06/2008

ربنا يعوضهم ويجعلها سلف ان شاء الله

نسأل الله أن يجعلها سلف لوالديها وان يصبرهم ويعوضهم ...عاجلاً بالزرية الصالحة

بمناسبة صنة المنتدي ..طبعاً الناس مشغولة ..والفترة التي كان المنتدي في قمة النشاط والحيوية كان في فترة رمضان والعيد ..ففي رمضان سبحان الله الواحد بيلقي وقت ..ومافي جري وسعي لي اكلو واشربو ...ذي باقي الايام السوق الجزارة ..وهلم ...جرا ..وفي موسم العيد في الاجازة وهي فترة طيبة للتواصل ..وهكذا الحياة كلها مواسم في مواسم ...ونسال الله ان نلتقي في موسم الخير ابداً ....