مهم للغاية ..وعاجل

السلام عليكم ورحمة الله وبركاته،،،

يا جماعة بالله ادونا ...شمار حار لمبارة مصر والجزائر بالسودان ؟؟؟.........صحيح الشرطة السودانية ما قدرت تؤمن الوضع وضحيح المشجعين السودانيين شجعوا الجزائر ...ونحن هنا عندن القناة المصرية الرسمية والله بيت بكاء عديل الجزائريين سو لينا وفعلون وتركونا بلله ورونا الحصل شنو بالضبط ؟؟؟؟؟؟؟؟

باختصار المصريين دايرين يرموا هزيمتهم في السودانيين
وباختصار اكتر عايزين يعلقوا فشلهم وينسوا الناس الهزيمة عن طريق الإساءة للسودان
الجمهو كان بشجع الاتنين لكن الجمهور الشجع المصريين اكتر
الحوادث الحصلت حوادث طفيفة ولا يوجد بلاغات قتل أو أذى جسيم
كلها أمور طفيفة والحوادث كلها حوالي 21 حادث ما بين خدوش وجروح وإغماء

أدخل المنتدى ده فيهو كلام كتييييير في الموضوع

http://www.sudaneseonline.com/cgi-bin/sdb/2bb.cgi?board=250

ابن الام الغالي
اولا السودان امن للكل بطريقه خرافيه وبسرعه خرافيه والامن السوداني شهد له العالم كله بالدقه والتفاني
السودانين شجعوا الجوائر اكثر لانه عندهم تار بايت مع المصريين لانه قالوا المصرين زمان شجعوا تشاد لمن كانت لاعبه مع السودان والله اعلم
المصرين كاسوا كبش فداء لمدارات خيبتهم مالقوا الا الحيطه القصيره السودان الذي ترفع عن الصغائر والقمهم حجرا بالصور والشهود منهم

ليس هذا المهم يابن الام تصور كما قال الشيخ القرضاوي
اهذا حالك ياامة محمد في دياركم يموت الناس من الجوع وتصرفون المليارات علي لعبة الكوره
وتجعلون الاعداء امثال اسرائل يسخرون منكم ويقولون اين اتحاد العرب واين وحده المسلمين

يا امة ضحكت من جهلها الامم
بعدين تعال هنا يامحمد الفاتح ما قلنا ليك ورينا اخبارك في بلد التراكوه وليه مارسلت لينا تلفونك
ياخ مشتاقين

كيف يا ابن عمتي العزيزة انا علي طول رسلت تلفوني وبريدي الالكتروني في صفحة العنوانين والتلفونات وبالتفصيل كمان ....

ولمزيد من الضمان تلفوني :
00905398770772


واما عن بلاد الترك والله هذه قصة محزنة واذا الانسان لديه ايمان حق ومحبة حقيقية لهذا الدين ...عندما يري قصور الامبراطورية العثمانية اول حاجة يبكي ...حتي يجف الدمع لاتدروا يا جماعة كم هو محزن هذا المجد الذي ضاع وهذه الامبراطورية التي افل نجمها ...وادعوكم جميعاً لزيارة تركيا ..واول من سيتقبلكم في المطار واول من يودعكم واول من يكون خير دليل لكم ...تعالوا وشوفوا ...عسي ان نحس بالمجد الذي ضاع ...واضم صوتي لابن عمتي الحسين يا امة ضحكت من جهلها الامم ..مصر والجزائر واعلان الحرب ....واسرائيل الدولة رقم اربعة من بين اكثر الدول اهتماما بالعلوم ورعايتها وصاحبة اكبر معامل بحثية في العالم ؟؟؟؟؟؟؟

السلام عليكم في البدايه والنهايه وكل عــــــــــام وانتم بالف بخير وسبب انقطاعنا هو السفر للبلــــــد واحياء الديار وكشف عن الكثير من الكنوز والاثار فأما عن موضوع الكره فما كتبه الاخوان محمد احمد والحسين هو عين الحقيقه فالاشقاء المصرين قد شجعهم الجمهور السوداني بقوه من دافع حبهم الطبيعي لمصر والمصريين وكل مصري عاقل يعرف ان الجمهور السوداني قد شجع بقوه واخلاص الا ان الاعلام المصري الخاص قد عكس غير ذلك واما مصر الرسميه فقد اقرت بالحقبقه واعتزرت عن ما بدر من اعلامها في قنواتها الخاصه وهذا ما حدث ولكم التحيه والود مزيلا بمودتي.