سبحان الله الموضوع ده أول مرة أشوفو اليوم
العفو يا يوسف يا حبيب
ولا شكر على واجب
وبالمناسبة انت مسمى على يوسف عمي عليه رحمة الله وبركاته
ويوسف عمي كان راجل حبوب وكان رقم لا يستهان به في الأسرة
ولمن نقابله في الزيارات والمناسبات كان دايما بجمعنا نحنا الشفع الصغار وقتها
وكان بحجينا ويحكي لينا حكاوي جميلة جدا ويمازحنا ويداعبنا
وكنا دايما بعد ما ناكل يسأل أي واحد فينا: أها إنت بعد ما أكلت حمدت ربك؟
وكل الناس يقولوا لا، يقوم يقول ليهم احمدوا ربكم
أها أنا مرة سألني: هسي انت بعد ما أكلت حمدت ربك؟ قلت ليهو أيوه يا يوسف عمي
قال لي متين؟ قلت ليهو : حمدتو في سري، قام ضحك وقال لي: لا، كويس!
عليه من الله الرحمة والرضوان وجميع أمواتنا وأموات المسلمين
موضوع: شكر للمديــــــــــــــــــــــــــــــــــــــــــــــــــر 
الثلاثاء سبتمبر 22, 2009 12:35 am
