اول ابداعات سماح(المسطول : - كان ياماكان في قديــم الزمـــان )

المسطول : - كان ياماكان في قديــم الزمـــان
كان فيه اسـد كبير وشـــراني
كان يمشي في الصحراء ويأكـــل مــن حشـائش الارض المزهرة
صاحبه : ياخينا اكيد هو اســد ولا حمار بعدين شنو صحراء وحشائش مـزهره مسوي روحك مثقف شوف هي وحده من اتنين يا انك متخلف ولا انك متخلف اختار انت
المسطول : المهم وبينما الاسد يمشي وقف عند سوبر ماركت وكان اللي يبيع فيها الفيل ابو زلومه فنظر اليه الاسد بكبرياء وقــال له: اعطني باردا ياهذا
فقال الفيل : اتريد ميرندا فراوله ام ميرندا برتقال
فتبسم الاسد وقال : لقد اضحكت بطني ياغلام .. الا تعلم ان ميرندا الفراوله هي شراب الملوك والعظماء وان الغابه تزهر بالفراوله اللذيذه
هيا اعطني ميرندا البرتقال ثكلتك ام جدة ابنت اخو اللي جابوك
فضحك الفيل ضحكة اهتزت لها جنبات المكــــان وذهب مهرولا لإحضار السفن اب
المهم اخــذ الأســد الببسي وغــادر المكان على عجل لكي يبحث عــن فريسه جميلة الوجه وممشــوقة القوام لهــا عينــان تسر الناضرين
صاحبه :شوف يا مجنتل انت الهبل الاول بنمشيها لك لكن بالنسبه للفريسه دي قويــه هو عايز الفريسه عشــان ياكلها ولا اه ؟! اسمع خليك راجل احسن لك
المسطول :المهم ان الاسد لقى ارنب صغير يتنطط في ارجاء الغابه ويمرح بين الحقول والازهار
صاحبه :دا فار دا ما ارنب
المسطول :فتقدم اليه الاسد بثقه كأنه سفينه تختال بين ازهار الصحراء الحارقه
صاحبه :حمد لله على نعمة العقل بس
المسطول :فقــال الاسد للارنب مارأيك ان اشاركك اللعب ياصغيري؟؟
فرد الارنب بدهاء يفوق الوصف ويدل على ذكاء الثعالب : تريد ان تلعب معي عادي لي الشرف العظيم بس عندك فيش ؟
صاحبه : اي والله ذكاء لكن شنو نقول انت شوف منو بيتكلم واعرف ان الموضوع كله لخبطة!
المسطول : فقام الاسد والشر يتطاير من عينيه وقال للارنب مارأيك ياصغيري ان نلعب عروسه وعريس ...
وآخذ انا دور العسكري وانت تأخذ دور الحرامي
صاحبه :والله الغابة دي سمحه عدييييييل اذا دا ملكها .. ؟
المسطول :المهم بتخليني اكمل الروايه زي ماقريتها ولا اسكت
صاحبه : كمل
المسطول: طلب الاسد من الارنب الصغير ان يختبئ في مكان . لكي يبحث الاسد عنه وكان الاسد مبيت النيه على التهام الارنب المهم ذهب الارنب وتخفى وراء احدى السيارات في الغابه
صاحبه :العن ام النصب شنو الغابه دي فيها سيارات كمان
لكن انا الغلط ما عليك الغلط على اللي قاعد يسمع لك لي اسي
المسطول :وكان الاسد مغمض عين ومفتح عين .. عشان يشوف وين سوف كذلك يختفي هذا الارنب اللعين
وعندما بدأت اللعبه اخذ الاسد يمشي وكانه يبحث عن الارنب المكار
المسطول يقاطع : ملاحظه اللي عنده اطفال اقل من 18 سنه يوزعن عشان ابتدينا بالخطر والرعب
وهو يعرف مكانه وجاء الاسد من خلف الارنب لكي يلتهمه على عجل دون ان يلاحظ الارنب ذلك وعند هذه اللحظه
قفــز الارنب المكار قفزه مدويه
وباغت الاسد بهجوم مضاد ليس له مثيل وبصق بوجه الاسد ولطمه على وجنته وقال يخسي عليك ياوحش عاوز تاكلني؟
صاحبه : انت متاكد دا الارنب ولا سعاد حسني؟
المسطول : أرنب أرنب
المسطول: فأخذ الاسد يهرب مهرولا على اطراف اصابعه كراقصة الباليه
والارنب يركض وراه والاسد يهرول ويهرول
فتعب الارنب ونادى على حصانه واخذ سيفه واخذ يلحق الاسد
وأخذ الاسد يسرع ويهرول ويهرول حتى طاحت قدميه والارنب خلفه و كأن على رأسه الطيروالاسد يهرول ويهرول
والارنب وراه فاكي فك شدييييييد
ولما تعب حصان الارنب فكر الحصان بان يساعد صديقه الارنب فاشار عليه بان يستعين الارنب بعجلة واخذ يطارد فريسته وبمساعدة صديقنا وعجلته وصل للاسد
فشكر الارنب صديقن=ه الحصان وقدم له ورده عربونا لصداقته
ثم ذهب للاسد وقفز عليه ثم وثب الارنب على الاسد من الخلف حتى ارداه أرضاً وعندها اخذ الارنب يقطع الاسد بالسكين وارتاحت الغابه من الاسد الشراني .